മാധ്യമങ്ങള്ക്കെതിരെ രൂക്ഷവിമര്ശനവുമായി സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്. മാധ്യമങ്ങള് പച്ച നുണകള് വാര്ത്തകള് എന്ന പേരില് പ്രചരിപ്പിക്കുകയാണ്. മാധ്യമങ്ങള് സംസ്ഥാനത്തിന്റെ ഭാവിയോട് നീതി പുലര്ത്തുന്നില്ല. നുണയുടെ നിറക്കൂട്ടുകളൊരുക്കി എല്ലാ കാലത്തും ജനങ്ങളെ വഞ്ചിക്കാമെന്നാണോ നിഷ്പക്ഷ നാട്യമാടുന്ന മാധ്യമങ്ങള് കാണുന്നതെന്നും കോടിയേരി ഫെയ്സ്ബുക്ക് പോസ്റ്റില് ചോദിക്കുന്നു.
ക്യു’ ഇപ്പോള് ടെലഗ്രാമിലും ലഭ്യമാണ്. കൂടുതല് വാര്ത്തകള്ക്കും അപ്ഡേറ്റുകള്ക്കുമായി ടെലഗ്രാം ചാനല് സബ്സ്ക്രൈബ് ചെയ്യാം
ഫെയ്സ്ബുക്ക് പോസ്റ്റിന്റെ പൂര്ണരൂപം
ഒരു കാലവും ഇടതുപക്ഷം മാധ്യമങ്ങളുടെ സേവ പ്രതീക്ഷിച്ചിട്ടില്ല. പ്രതീക്ഷിക്കുന്നുമില്ല. നിഷ്പക്ഷ മാധ്യമങ്ങളെന്ന മുഖംമൂടിയുമണിഞ്ഞ് ഇവര് എന്തൊക്കെയാണീ കാട്ടി കൂട്ടുന്നത്?പച്ച നുണകള് വാര്ത്തകള് എന്ന പേരില് പ്രചരിപ്പിച്ച്, കേരള ജനതയോട് എന്ത് ഉത്തരവാദിത്തമാണ് ഇവര് നിറവേറ്റുന്നത്?മാധ്യമങ്ങള് സംസ്ഥാനത്തിന്റെ ഭാവിയോട് നീതി പുലര്ത്തുന്നില്ല. നിക്ഷിപ്ത രാഷ്ട്രീയ താല്പ്പര്യങ്ങള്ക്കുവേണ്ടി തങ്ങളെ സ്വയം വിട്ടുകൊടുത്തിരിക്കയാണ് മാധ്യമങ്ങള്.നുണയുടെ നിറക്കൂട്ടുകളൊരുക്കി എല്ലാ കാലത്തും ജനങ്ങളെ വഞ്ചിക്കാമെന്നാണോ, നിഷ്പക്ഷ നാട്യമാടുന്ന മാധ്യമങ്ങള് കരുതുന്നത്? ആ ധാരണ വെറുതെയാണ്. കേരള ജനത നിങ്ങളെ മനസിലാക്കുന്നുണ്ട്.