സിപിഐഎം സംസ്ഥാന സെക്രട്ടറി കോടിയേരി ബാലകൃഷ്നെതിരെ എല്ഡിഎഫ് എംഎല്എ മാണി സി കാപ്പന് മുമ്പ് സിബിഐയ്ക്ക് നല്കിയ മൊഴി പുറത്തുവിട്ട് ആര്എസ്പി (ബി) നേതാവ് ഷിബു ബേബി ജോണ്. കോടിയേരിക്കും മകന് ബിനീഷിനും മുംബൈ മലയാളി വ്യവസായി ദിനേശ് മേനോന് കൈക്കൂലി നല്കിയതിന്റെ തെളിവാണെന്ന് ചൂണ്ടിക്കാട്ടി സിബിഐ രേഖകളുടെ പകര്പ്പും യുഡിഎഫ് നേതാവ് പുറത്തുവിട്ടു. കോടിയേരി ബാലകൃഷ്ണന്റെ പേര് പരാമര്ശിച്ച് സിബിഐക്ക് എഴുതിനല്കിയ മൊഴിയില് ഉറച്ചുനില്ക്കുന്നുണ്ടോ എന്ന് ഷിബു ബേബി ജോണ് പാലാ എംഎല്എയോട് ചോദിച്ചു.
ഇപ്പോഴത്തെ സിപിഐ (എം) സംസ്ഥാന സെക്രട്ടറിക്കും മകനും കൈക്കൂലി കൊടുത്തതു സംബന്ധിച്ച് സിബിഐയ്ക്ക് മൊഴി നല്കിയ മാണി സി കാപ്പന് ഇപ്പോള് ഇടതുമുന്നണിയുടെ എംഎല്എയാണ്. ഇക്കാര്യത്തില് നിജസ്ഥിതി അറിയാന് കേരളത്തിലെ ജനങ്ങള്ക്ക് അവകാശമുണ്ട്.!ഷിബു ബേബി ജോണ്
കോടിയേരി ബാലകൃഷ്ണന് ആഭ്യന്ത്ര മന്ത്രിയായിരുന്ന കാലഘട്ടത്തില് കണ്ണൂര് വിമാനത്താവളത്തിന്റെ ഷെയര് വിതരണവുമായി ബന്ധപ്പെട്ടാണ് കേസ്. മാണി സി കാപ്പന് 3.5 കോടി രൂപ തട്ടിയെടുത്തെന്ന് ദിനേശ് മേനോന് സിബിഐക്ക് പരാതി നല്കിയിരുന്നു. സിബിഐയുടെ ചോദ്യങ്ങള്ക്ക് നല്കിയ മറുപടിയിലാണ് മാണി സി കാപ്പന് താന് മുംബൈ മലയാളി വ്യവസായിക്ക് കോടിയേരിയേയും മകനേയും പരിയചപ്പെടുത്തിയതിനേക്കുറിച്ച് വെളിപ്പെടുത്തുന്നത്. 'ചില പേയ്മെന്റുകള് നടത്തിയ കാര്യം' വൈകി മനസിലാക്കിയെന്നും സിബിഐക്ക് നല്കിയ മൊഴിയിലുണ്ട്.
ഷിബു ബേബി ജോണിന്റെ പ്രതികരണം
മാണി സി കാപ്പന് 3.5 കോടി രൂപ തട്ടിയെടുത്തെന്ന് മുംബൈ മലയാളി വ്യവസായി ദിനേശ് മേനോന് സിബിഐക്ക് പരാതി നല്കിയിരുന്നു.! സിബിഐയുടെ ചോദ്യങ്ങള്ക്ക് നല്കിയ മറുപടിയില് മാണി സി കാപ്പന് പറയുന്നത്
'കണ്ണൂര് എയര്പോര്ട്ട് ഷെയറുകള് വിതരണം ചെയ്യാന് പോകുമ്പോള്, ദിനേശ് മേനോന് അന്നത്തെ ആഭ്യന്തര മന്ത്രിയായിരുന്ന കോടിയേരി ബാലകൃഷ്ണനെയും അദ്ദേഹത്തിന്റെ മകന് ബിനീഷിനെയും പരിചയപ്പെടണം, ഞാന് അവരെ ദിനേശ് മേനോന് പരിചയപ്പെടുത്തി. പണം കൊടുക്കല് നടത്തിയതിന് ശേഷം ദിനേശ് മേനോന് എന്നോട് പറഞ്ഞപ്പോളാണ് ചില പേയ്മെന്റുകള് ദിനേശ് മേനോന് നടത്തിയെന്ന് ഞാന് മനസ്സിലാക്കിയത്'
ഈ വിഷയത്തില് ഉള്പ്പെട്ടവരോട് സംസാരിക്കാമെന്ന് പറഞ്ഞുവെന്നും മാണി സി കാപ്പന് സിബിഐക്ക് നല്കിയ മറുപടിയില് പറഞ്ഞിരിക്കുന്നു.!
ഇനി അറിയാന് താല്പര്യം, ഇപ്പോള് എല്ഡിഎഫ് എംഎല്എയായ മാണി സി കാപ്പന്, നിലവിലെ സിപിഐ (എം) സംസ്ഥാന സെക്രട്ടറി കോടിയേരി ബാലകൃഷ്ണന്റെ പേര് പരാമര്ശിച്ച് സിബിഐക്ക് എഴുതിനല്കിയ ഈ മൊഴിയില് ഉറച്ചുനില്ക്കുന്നുണ്ടോ?
കേരളത്തിന്റെ ആഭ്യന്തര മന്ത്രിയായിരുന്ന ഇപ്പോഴത്തെ സിപിഐ (എം) സംസ്ഥാന സെക്രട്ടറിക്കും മകനും കൈക്കൂലി കൊടുത്തതു സംബന്ധിച്ച് സിബിഐയ്ക്ക് മൊഴി നല്കിയ മാണി സി കാപ്പന് ഇപ്പോള് ഇടതുമുന്നണിയുടെ എംഎല്എയാണ്. ഇക്കാര്യത്തില് നിജസ്ഥിതി അറിയാന് കേരളത്തിലെ ജനങ്ങള്ക്ക് അവകാശമുണ്ട്.!