രാജ്യത്തെ വിവിധ സംസ്ഥാനങ്ങളിലെ പ്രതിപക്ഷ പാർട്ടികളുടെ നേതാക്കളെ അണിനിരത്തി തമിഴ്നാട് മുഖ്യമന്ത്രി എം.കെ സ്റ്റാലിന്റെ ആത്മകഥ പ്രകാശനം ചെയ്യും. ഫെബ്രുവരി 28നാണ് 'നിങ്ങളിൽ ഒരാൾ' എന്ന് പേരിട്ടിരിക്കുന്ന പുസ്തകത്തിന്റെ പ്രകാശന ചടങ്ങ്.
കോൺഗ്രസ് നേതാവ് രാഹുൽ ഗാന്ധിയാണ് പുസ്തകം പ്രകാശനം ചെയ്യുന്നത്. മുഖ്യമന്ത്രി പിണറായി വിജയനും ചടങ്ങിൽ പങ്കെടുക്കും.
ബിഹാർ പ്രതിപക്ഷ നേതാവ് തേജസ്വി യാദവ്, ജമ്മു കശ്മീർ മുൻ മുഖ്യമന്ത്രി ഒമർ അബ്ദുള്ള എന്നിവർ പുസ്തക പ്രകാശന ചടങ്ങിൽ സംസാരിക്കും. ഡിഎംകെ വനിതാ സെക്രട്ടറിയും എംപിയുമായ കനിമൊഴിയും ചടങ്ങിൽ സംസാരിക്കും.
കവി വൈരമുത്തു, നടൻ സത്യരാജ് എന്നിവരും പുസ്തക പ്രകാശന ചടങ്ങിൽ പങ്കെടുക്കും.