തദ്ദേശതെരഞ്ഞെടുപ്പിലെ താരസ്ഥാനാര്‍ത്ഥികളില്‍ ഒരാളായിരുന്നു നിര്‍മ്മാതാവ് നെല്‍സണ്‍ ഐപ്പ്. മമ്മൂട്ടി നായകനായ വൈശാഖ് ചിത്രം 'മധുരരാജ'യുടെ നിര്‍മ്മാതാവായ നെല്‍സണ്‍ ഐപ്പ്, കുന്നംകുളം നഗരസഭയിലെ അഞ്ചാം വാര്‍ഡായ വൈശേരിയില്‍ നിന്ന് കോണ്‍ഗ്രസ് സ്ഥാനാര്‍ത്ഥിയായാണ് മത്സരിച്ചത്.
എല്‍.ഡി.എഫിന്റെ പി.എം.സുരേഷാണ് മികച്ച ഭൂരിപക്ഷത്തില്‍ നെല്‍സണ്‍ ഐപ്പിനെ പരാജയപ്പെടുത്തിയത്. സുരേഷ് 426 വോട്ടുകള്‍ നേടിയപ്പോള്‍ നെല്‍സണ്‍ ഐപ്പിന് നേടാനായത് 208 വോട്ടുകള്‍ മാത്രമാണ്.