ചെങ്ങറ ഭൂസമര നേതാവ് ളാഹ ഗോപാലന്‍ (72) അന്തരിച്ചു. കോവിഡ് ബാധിച്ച് ചികിത്സയിലായിരുന്നു. കേരളത്തിലെ ഭൂസമരങ്ങള്‍ക്ക് നേതൃത്വം വഹിച്ചിട്ടുള്ള അദ്ദേഹം ശാരീരിക അവശതകളെ തുടര്‍ന്ന് ഏറെ നാളായി വിശ്രമത്തിലായിരുന്നു. ആദ്ദേഹം നയിച്ച ആദിവാസി വിഷയങ്ങളുമായി ബന്ധപ്പെട്ട പ്രക്ഷോഭങ്ങള്‍ ദേശീയതലത്തില്‍ തന്നെ ശ്രദ്ധനേടിയിരുന്നു.
ആരോഗ്യപ്രശ്‌നങ്ങളെ തുടര്‍ന്ന് ളാഹയില്‍ നിന്ന് താമസം മാറി, ചികിത്സാ അവശ്യത്തിനായി പത്തനംതിട്ടയിലാണ് താമസിച്ചിരുന്നത്. കഴിഞ്ഞ മാസം 21-ാം തിയതിയാണ് അദ്ദേഹത്തെ ആശുപത്രിയില്‍ പ്രേവശിപ്പിച്ചത്.