കെ.എം.മാണിയെ ചതിച്ചവര്‍ക്കുള്ള മറുപടി വോട്ടിലൂടെ ഉണ്ടാകുമെന്ന് ജോസ്.കെ മാണി. ഇടതുസര്‍ക്കാരിന്റെ വികസന നേട്ടങ്ങള്‍ തെരഞ്ഞെടുപ്പില്‍ പ്രതിഫലിക്കുമെന്നും ജോസ്.കെ.മാണി. എല്‍ഡിഎഫ് ചരിത്ര വിജയം നേടുമെന്നും വോട്ട് ചെയ്ത ശേഷം ജോസ്.കെ.മാണി പ്രതികരിച്ചു.
കെ.എം.മാണിയെ സ്‌നേഹിക്കുന്നവരെല്ലാം രണ്ടിലക്കൊപ്പമായിരിക്കും. കെ.എം.മാണിയുടെ മരണശേഷം കേരളാ കോണ്‍ഗ്രസിനെ ഇല്ലായ്മ ചെയ്യാന്‍ കൂട്ടുനിന്നവര്‍ക്ക് തിരിച്ചടിയായിരിക്കും തെരഞ്ഞെടുപ്പെന്നും ജോസ്.കെ.മാണി. കൊവിഡിനെ ഫലപ്രദമായി നേരിട്ട സര്‍ക്കാരാണ് കേരളത്തിലേതെന്നും ജോസ്.കെ.മാണി.
മധ്യകേരളത്തില്‍ രാഷ്ട്രീയ മാറ്റമുണ്ടാകുമെന്നും, എല്‍ഡിഎഫിന് മികച്ച നേട്ടമുണ്ടാക്കുമെന്നും ജോസ് കെ മാണി കഴിഞ്ഞ ദിവസം മാധ്യമങ്ങളോട് പറഞ്ഞിരുന്നു. രണ്ടില വാടിത്തളരും എന്ന് പിജെ ജോസഫ് പറയുന്നത് ഭയം കൊണ്ടാണെന്നും ഇത്രനാളും രണ്ടിലക്ക് വേണ്ടി ഓടി നടന്നവരാണ് ജോസഫ് വിഭാഗം എന്നും ജോസ് കെ മാണി പ്രതികരിച്ചു.
kerala local body election JOSE K MANI Response