സ്വര്‍ണ്ണക്കടത്ത് കേസില്‍ സംഘപരിവാര്‍ നിയന്ത്രണമുള്ള ജനം ടിവി എക്സിക്യുട്ടീവ് എഡിറ്ററെ കസ്റ്റംസ് ചോദ്യം ചെയ്യുന്നതില്‍ രാഷ്ട്രീയമില്ലെന്ന് ബിജെപി അധ്യക്ഷന്‍ കെ. സുരേന്ദ്രന്‍. അനില്‍ നമ്പ്യാരെ ചോദ്യം ചെയ്യുന്നതില്‍ ബിജെപിക്ക് എന്താണ് പങ്കാളിത്തം. കൈരളി ചാനലിലെ എല്ലാവരും സിപിഐഎമ്മുകാരാണോ എന്നും കെ സുരേന്ദ്രന്‍.
ക്യു’ ഇപ്പോള്‍ ടെലഗ്രാമിലും ലഭ്യമാണ്. കൂടുതല്‍ വാര്‍ത്തകള്‍ക്കും അപ്‌ഡേറ്റുകള്‍ക്കുമായി ടെലഗ്രാം ചാനല്‍ സബ്‌സ്‌ക്രൈബ് ചെയ്യാം
ജനം ടിവി ബിജെപിയുടെ ചാനല്‍ അല്ല. ബിജെപിക്ക് അങ്ങനെയൊരു ചാനലേ ഇല്ല. ജനം ടിവി ഈ നാട്ടിലെ ദേശസ്നേഹികളുടെ ചാനലാണെന്നും, ബിജെപിക്കാരായ ആരും ചാനലില്‍ ഇല്ലെന്നും കെ.സുരേന്ദ്രന്‍. അനില്‍ നമ്പ്യാരെ ചോദ്യം ചെയ്യുന്ന കാര്യം അറിഞ്ഞിട്ടില്ല.
ലൈഫ് മിഷന്‍ പദ്ധതിയില്‍ അടിമുടി ചട്ടലംഘനമാണ് നടന്നിരിക്കുന്നത്. സ്വര്‍ണ്ണക്കടത്തില്‍ സമരം ശക്തമാക്കാനാണ് ബിജെപി തീരുമാനമെന്നും സുരേന്ദ്രന്‍.
സ്വര്‍ണക്കടത്ത് കേസില്‍ ചോദ്യംചെയ്യലിനായി ജനം ടിവി കോഓര്‍ഡിനേറ്റിങ് എഡിറ്റര്‍ അനില്‍ നമ്പ്യാര്‍ ഹാജരായി. കൊച്ചി കസ്റ്റംസ് ഓഫീസിലാണ് ചോദ്യംചെയ്യല്‍. ജൂലൈ അഞ്ചിനാണ് തിരുവനന്തപുരത്ത് നയതന്ത്ര ബാഗേജ് വഴിയുള്ള സ്വര്‍ണക്കടത്ത് കസ്റ്റംസ് പിടികൂടുന്നത്. അതേ ദിവസം ഉച്ചയ്ക്ക് സ്വപ്നാ സുരേഷും അനില്‍ നമ്പ്യാരും ഫോണില്‍ ബന്ധപ്പെട്ടതിന് തെളിവുണ്ടെന്നാണ് റിപ്പോര്‍ട്ട്.
മുഖ്യമന്ത്രിയുടെ മുന്‍ ഐടി ഫെലോ അരുണ്‍ ബാലചന്ദ്രനെയും കസ്റ്റംസ് ചോദ്യം ചെയ്യുന്നുണ്ട്. ശിവശങ്കറിന്റെ നിര്‍ദേശ പ്രകാരം പ്രതികള്‍ക്ക് ഫ്ളാറ്റ് ബുക്ക് ചെയ്തതായി അരുണ്‍ കസ്റ്റംസിന് മൊഴി നല്‍കിയിരുന്നു.