ബി.ജെ.പി സംസ്ഥാന പ്രസിഡന്റ് കെ.സുരേന്ദ്രന് കൊവിഡ് സ്ഥിരീകരിച്ചു. കോഴിക്കോട് നടത്തിയ പരിശോധനയിലാണ് രോഗം സ്ഥിരീകരിച്ചത്. സ്വകാര്യ ആശുപത്രിയില്‍ പ്രവേശിപ്പിച്ചിരിക്കുകയാണ്.
തദ്ദേശ തെരഞ്ഞെടുപ്പിന് ശേഷമുള്ള രാഷ്ട്രീയ സാഹചര്യങ്ങളും നിയമസഭ സ്ഥാനാര്‍ത്ഥി പട്ടികയും ചര്‍ച്ച ചെയ്യുന്നതിനായി കഴിഞ്ഞ ദിവസം ഡല്‍ഹിയില്‍ പോയിരുന്നു. ദേശീയ അധ്യക്ഷന്‍ ജെ.പി നദ്ദ ഉള്‍പ്പെടെയുള്ളവരുമായി സുരേന്ദ്രന് ചര്‍ച്ച നടത്തിയിരുന്നു. 15 തിയ്യതി സംഘടനാ ജനറല്‍ സെക്രട്ടറി ബി.എല്‍ സന്തോഷ് എത്തിയതിന് ശേഷം സംസ്ഥാന സമിതിയും കോര്‍ കമ്മിറ്റിയും വിളിച്ചു ചേര്‍ക്കാനും തീരുമാനിച്ചിരുന്നു.
കേരളത്തില്‍ കൊവിഡ് രോഗികളുടെ എണ്ണം വര്‍ദ്ധിക്കുന്നുവെന്നും പ്രത്യേക മെഡിക്കല്‍ സംഘത്തെ അയക്കണമെന്നും ആവശ്യപ്പെട്ട് കെ.സുരേന്ദ്രന് കഴിഞ്ഞ ദിവസം പ്രധാനമന്ത്രിക്ക് കത്തയച്ചിരുന്നു.