ഫോക്സ് ന്യൂസ് റിപ്പോര്ട്ടറെ തെറിവിളിച്ചത് ലൈവായി പുറത്തുവന്നതോടെ പ്രതിരോധത്തിലായി അമേരിക്കന് പ്രസിഡന്റ് ജോ ബൈഡന്. വൈറ്റ് ഹൗസിലെ പതിവ് വാര്ത്താസമ്മേളനം അവസാനിച്ചതിന് പിന്നാലെയാണ് ഫോക്സ് ന്യൂസ് റിപ്പോര്ട്ടര് പീറ്റര് ഡോസിയുടെ ചോദ്യത്തില് പ്രകോപിതനായി ജോ ബൈഡന് തെറിവിളിച്ചത് ലൈവായി പുറത്തുവന്നത്.
പണപ്പെരുപ്പം രാഷ്ട്രീയ ബാധ്യതയാണോ എന്ന ചോദ്യമാണ് അമേരിക്കന് പ്രസിഡന്റിനെ പ്രകോപിപ്പിച്ചത്. മൈക്കും ക്യാമറയും ഓഫ് ആണെന്ന ധാരണയില് എ സ്റ്റുപ്പിഡ് സണ് ഓഫ് ബിച്ച് എന്ന്് ജോ ബൈഡന് പറഞ്ഞതാണ് വൈറലായിരിക്കുന്നത്.
വീഡിയോ പുറത്തുവന്നതിന് പിന്നാലെ പ്രസിഡന്റ് വിളിച്ചതായി പീറ്റര് ഡോസി പ്രതികരിച്ചു. പരാമര്ശം വ്യക്തിപരമായി എടുക്കരുതെന്ന് പറഞ്ഞതായി ഡോസി. തെറി വിൡയില് ബൈഡന് ക്ഷമാപണം നടത്തിയതായും ഡോസി. വൈറ്റ് ഹൗസ് വിവാദത്തില് ഔദ്യോഗിക പ്രതികരണം നടത്തിയിട്ടില്ല.