എന്.എസ്.എസ് ആസ്ഥാനത്തെത്തി ജി സുകുമാരന് നായരെ കണ്ട് തൃക്കാക്കരയിലെ ഇടത് സ്ഥാനാര്ത്ഥി ജോ ജോസഫ്. ജി സുകുമാരന് നായര് അനുഗ്രഹം നല്കിയെന്ന് കൂടിക്കാഴ്ചയ്ക്ക് ശേഷം ജോ ജോസഫ് പ്രതികരിച്ചു.
എറണാകുളം ലിസി ഹോസ്പിറ്റലിലെ ഹൃദ്രോഗ വിദഗ്ധനായ ഡോ. ജോ ജോസഫ് അരിവാള് ചുറ്റിക നക്ഷത്രത്തിലാണ് തൃക്കാക്കരയില് മത്സരിക്കുന്നത്.
തൃക്കാക്കരയില് പൂര്ണ വിജയപ്രതീക്ഷയാണുള്ളത്. മുഖ്യമന്ത്രി എത്തുന്നതോടെ ശക്തമാകും. കെ.വി തോമസിന്റെ വരവും ഗുണം ചെയ്യും. വികസനത്തിന് ജനപിന്തുണ കിട്ടുമെന്നും ജോ ജോസഫ് മാധ്യമങ്ങളോട് പറഞ്ഞു.
പെരുന്നയിലെത്തി അഞ്ചു മിനുട്ടോളമാണ് ജോ ജോസഫും സുകുമാരന് നായരും സംസാരിച്ചത്.
യു.ഡി.എഫ് സ്ഥാനാര്ത്ഥി ഉമ തോമസും സുകുമാരന് നായരെ പോയി കണ്ടിരുന്നു.