ചൈനീസ് കമ്പനിയുമായുള്ള 471 കോടി രൂപയുടെ കരാര് റദ്ദാക്കി റെയില്വേ. ബെയ്ജിങ് നാഷണല് റെയില്വേ റിസര്ച്ച് കമ്പനിയെയാണ് ഒഴിവാക്കിയത്. കാണ്പൂര്-ദീന് ദയാല് ഉപാധ്യായ റെയില്വേ സെക്ഷന്റെ 417 കിലോമീറ്റര് സിഗ്നലിങ്, ടെലികോം കരാറായിരുന്നു കമ്പനിയുമായുണ്ടായിരുന്നത്.
ക്യു’ ഇപ്പോള് ടെലഗ്രാമിലും ലഭ്യമാണ്. കൂടുതല് വാര്ത്തകള്ക്കും അപ്ഡേറ്റുകള്ക്കുമായി ടെലഗ്രാം ചാനല് സബ്സ്ക്രൈബ് ചെയ്യാം
പദ്ധതി നടത്തിപ്പിലെ കാലതാമസം കണക്കിലെടുത്താണ് കരാര് അവസാനിപ്പിക്കുന്നതെന്ന് റെയില്വേ അറിയിച്ചു. 2016ലായിരുന്നു കമ്പനിയുമായി റെയില്വേ കരാര് ഒപ്പിട്ടത്. നാല് വര്ഷത്തിനുള്ളില് പദ്ധതിയുടെ 20 ശതമാനം പ്രവര്ത്തനങ്ങള് മാത്രമാണ് പൂര്ത്തിയാക്കിയിട്ടുള്ളത്.
ഇന്ത്യ-ചൈന അതിര്ത്തിയിലുണ്ടായ ഏറ്റുമുട്ടലില് 20 സൈനികര് വീരമൃത്യു വരിച്ചതിന് പിന്നാലെ ചൈനീസ് ഉല്പ്പന്നങ്ങള് ബഹിഷ്കരിക്കണമെന്ന ആവശ്യം ശക്തമായിരുന്നു. ചൈനീസ് ഭക്ഷണം വില്ക്കുന്ന റസ്റ്റോറന്റുകള് അടക്കണമെന്ന ആവശ്യവുമായി കേന്ദ്രമന്ത്രി രാംദാസ് അത്താവാലെയും രംഗത്തെത്തിയിരുന്നു.