കൊവിഡ് 19 വാക്‌സിന്‍ എടുക്കില്ലെന്ന് പ്രഖ്യാപിച്ച് ബ്രസീല്‍ പ്രസിഡന്റ് ജെയര്‍ ബോള്‍സനാരോ. വാക്‌സിന്‍ സ്വീകരിക്കുന്നതില്‍ അവിശ്വാസം രേഖപ്പെടുത്തി രംഗത്തെത്തിയിരിക്കുകയാണ് അദ്ദേഹം. ഞാന്‍ നിങ്ങളോട് പറയുന്നു, ഞാന്‍ കൊവിഡ് വാക്‌സിന്‍ എടുക്കാന്‍ പോകുന്നില്ല. അതെന്റെ അവകാശമാണ്. ഇങ്ങനെയായിരുന്നു പരാമര്‍ശം. മാസ്‌ക് ഉപയോഗിക്കുന്നത് കൊവിഡിനെ പ്രതിരോധിക്കാന്‍ കാര്യക്ഷമമല്ലെന്നും അദ്ദേഹം വാദിച്ചു.

കൊവിഡ് വാക്‌സിന്‍ വ്യാപകമായി ലഭ്യമാകുന്ന സാഹചര്യമുണ്ടായാലും ബ്രസീലുകാര്‍ക്ക് വാക്‌സിനേഷന്‍ ആവശ്യമില്ലെന്നാണ് ബോള്‍സനാരോയുടെ നിലപാട്. വാക്‌സിനേഷന്‍ തന്റെ നായയ്ക്ക്‌ മതിയെന്ന് നേരത്തേ ബോള്‍സനാരോ ട്വീറ്റ് ചെയ്തിരുന്നു.

ക്യു’ ഇപ്പോള്‍ ടെലഗ്രാമിലും ലഭ്യമാണ്. കൂടുതല്‍ വാര്‍ത്തകള്‍ക്കും അപ്‌ഡേറ്റുകള്‍ക്കുമായി ടെലഗ്രാം ചാനല്‍ സബ്‌സ്‌ക്രൈബ് ചെയ്യാം

ജനങ്ങള്‍ വാക്‌സിന്‍ എടുക്കണമെന്ന് ബോള്‍സനാരോ ഭരണകൂടം നിര്‍ദേശിക്കാനിടയില്ല. ലോകത്ത് ഏറ്റവും കൂടുതല്‍ കൊവിഡ് മരണങ്ങളുണ്ടായ രാജ്യങ്ങളില്‍ രണ്ടാമതാണ് ബ്രസീല്‍. കൂടാതെ ജൂലൈയില്‍ ബോള്‍സനാരോയ്ക്ക് രോഗബാധയുണ്ടാവുകയും ചെയ്തിരുന്നു. സാഹചര്യം ഇങ്ങനെയായിരുന്നിട്ടും നിഷേധനിലപാട് തുടരുകയാണ് ബോള്‍സനാരോ.

iam not Going to Take Covid Vaccine, Syas Brazil President Jair Bolsonaro

ക്യു പ്രോഗ്രാമുകള്‍ക്കും വീഡിയോകള്‍ക്കുമായി ഞങ്ങളുടെ യൂട്യൂബ് ചാനല്‍ ഈ ലിങ്കില്‍ സബ്‌സ്‌ക്രൈബ് ചെയ്യാം