അടുത്ത 24 മണിക്കൂറില് സംസ്ഥാനത്തെ അഞ്ച് ജില്ലകളില് തീവ്ര മഴയ്ക്ക് സാധ്യത. ആലപ്പുഴ, കോട്ടയം, ഇടുക്കി, പത്തനംതിട്ട, എറണാകുളം , ജില്ലകളിലാണ് മഴമുന്നറിയിപ്പ്. ഐഎംഡി മുതിര്ന്ന ശാസ്ത്രജ്ഞന് ആര് കെ ജനമണിയാണ് മുന്നറിയിപ്പ് നല്കിയത്.
സംസ്ഥാനത്ത് ആറ് ജില്ലകളില് ഇന്ന് ഓറഞ്ച് അലര്ട്ട് പ്രഖ്യാപിച്ചിരുന്നു. ആലപ്പുഴ, കോട്ടയം, എറണാകുളം, ഇടുക്കി, തൃശൂര് ജില്ലകളിലാണ് ഓറഞ്ച് അലര്ട്ട് പ്രഖ്യാപിച്ചിരുന്നത്. കുമരകത്താണ് കഴിഞ്ഞ 12 മണിക്കൂറിനിടെ സംസ്ഥാനത്ത് ഏറ്റവും അധികം മഴ ലഭിച്ചത്.
എറണാകുളത്തും കോട്ടയത്തും ആലപ്പുഴയിലും കനത്ത മഴ തുടരുകയാണ്. എറണാകുളത്ത് കനത്ത മഴയില് പല പ്രദേശങ്ങളിലും വെള്ളക്കെട്ടുണ്ടായി.
ഉരുള്പൊട്ടല് സാധ്യത കണക്കിലെടുത്ത് മലയോര മേഖലയില് കൂടുതല് ജാഗ്രത പുലര്ത്തണം എന്ന് നിര്ദേശിച്ചിട്ടുണ്ട്. കേരള തീരത്ത് മത്സ്യബന്ധനത്തിന് വിലക്കും ഏര്പ്പെടുത്തിയിട്ടുണ്ട്. കേരളത്തിന് സമീപത്തും ബംഗാള് ഉള്ക്കടലിലും നിലനില്ക്കുന്ന ചക്രവാതച്ചുഴിയുമാണ് മഴ ശക്തമാകാന് കാരണം.