Around us

എന്റെ വിവാഹം നടത്തിത്തന്ന അമ്മയാണ് നടന്നുമറഞ്ഞിരിക്കുന്നത് ; ജി സുധാകരൻ

കെ.ആർ.ഗൗരിയമ്മയ്ക്ക് അന്ത്യാഞ്ജലികൾ നേർന്ന് ജി സുധാകരൻ .

അത്യന്തം വൈകാരികമായ മുഹൂർത്തങ്ങളിലൂടെയാണ് കടന്നുപോവുന്നത്. കേരളത്തിന്റെ ഭൂതകാല ജന്മിത്വ പ്രാമാണിത്തത്തേയും കീഴാള ദൈന്യങ്ങളേയും കീഴ്മേൽ മറിച്ച അസാമാന്യവ്യക്തിത്വമാണ് സ.ഗൗരിയമ്മ എന്നത് പൊതു ബോധ്യമാണല്ലൊ.

കേരളത്തിലെ ആദ്യ മന്ത്രിസഭയിലെ ഏക വനിതാ അംഗമായി റവന്യു,എക്സ്സൈസ് മന്ത്രിയായിരിക്കെയാണ് ഭൂപരിഷ്കരണ നിയമത്തിനും കാർഷിക പരിഷ്കരണ നിയമത്തിനും വിത്തു വീഴുന്നത്.

സ്ത്രീകൾ പിന്നാമ്പുറത്ത് മാത്രം കഴിയാൻ വിധിക്കപ്പെട്ട കാലത്ത് ബിരുദവും നിയമബിരുദവും നേടുകയും പൊതു രംഗത്തേയ്ക്ക് കടന്നു വന്ന് കേരളത്തിന്റെ വിപ്ലവ നക്ഷത്രമാവുകയും പൊതു സമൂഹത്തിന്റെ അഭിമാനമാവുകയും ചെയ്തത് ലോകം വിസ്മയത്തോടെ കണ്ടു. അതിഭീകരമായ നിരവധി പോലീസ് മർദ്ദനങ്ങൾക്ക് സഖാവ് ഇരയായി.

സമരതീക്ഷ്ണമായ ജീവിതത്തിലൂടെ സഖാവ് ലക്ഷങ്ങളുടെ ജീവിതം മാറ്റിമറിച്ചു. ഫ്യൂഡൽ പ്രഭുക്കന്മാരുടെ നെഞ്ചത്ത് കുത്തിയ തീപ്പന്തങ്ങളായിരുന്നു കുടിയിറക്ക് വിരുദ്ധ ഓർഡിനൻസും കർഷക ബന്ധ ബില്ലും. ജനജീവിതത്തെ ഇത്രയധികം നേരിട്ട് സ്വാധീനിച്ച നേതാക്കൾ വിരളമാണ്.

വ്യക്തിപരമായി എന്റെ വിവാഹം നടത്തിത്തന്ന അമ്മയാണ് നടന്നുമറഞ്ഞിരിക്കുന്നത്. ഹൃദയം തൊടുന്ന വേദനയോടെ ധന്യാഭിവാദ്യങ്ങൾ.

തലമുറകളുടെ രുചിക്കൂട്ട്; ഷാർജ പുസ്തകോത്സവത്തിൽ ഒമാനി ഹൽവയുടെ മധുരം

ഷാർജ പുസ്തകോത്സവത്തിന് നാളെ സമാപനം

കളങ്കാവലിലെ സ്റ്റീഫനിൽ നിന്ന് ബാഹുബലി നിർമ്മാതാക്കളുടെ 'ജോൺ ഡോ'യിലേക്ക്: സുശീൽ സുരേന്ദ്രൻ അഭിമുഖം

'മെറിബോയ്സ്' റിലീസ് ഡിസംബറിൽ; ചിത്രത്തിലെ ആദ്യ ക്യാമ്പസ് ഗാനം പുറത്തിറങ്ങി

ഭാവനയിലൂടെ യാഥാർഥ്യത്തെ മാറ്റാം; കഥകളുടെ ലോകം ചർച്ച ചെയ്ത് പുസ്കകമേള

SCROLL FOR NEXT