ബി.ജെ.പി മുന്‍ സംസ്ഥാന അധ്യക്ഷനും മിസോറാം ഗവര്‍ണറുമായിരുന്ന കുമ്മനം രാജശേഖരനെതിരെ പൊലീസ് കേസ് എടുത്തു. സാമ്പത്തിക തട്ടിപ്പ് നടത്തിയെന്ന പരാതിയിലാണ് നടപടി. ആറന്‍മുള സ്വദേശിയില്‍ നിന്നും 28.75 ലക്ഷം രൂപ തട്ടിയെടുത്തെന്നാണ് പരാതി. കേസില്‍ നാലാം പ്രതിയാണ് കുമ്മനം രാജശേഖരന്‍. ആറന്‍മുള പൊലീസാണ് കേസെടുത്തിരിക്കുന്നത്.
കുമ്മനം രാജശേഖരന്റെ പി.എ. ആയിരുന്ന പ്രവീണാണ് കേസില്‍ ഒന്നാം പ്രതി. മിസോറാം ഗവര്‍ണറായിരുന്നപ്പോള്‍ ഓഫീസ് സ്റ്റാഫായിരുന്ന സേവ്യര്‍ ആണ് മൂന്നാം പ്രതി. ബി.ജെ.പി. ഐ.ടി സെല്‍ കണ്‍വീനറായ ഹരി അഞ്ചാം പ്രതിയാണ്.
ക്യു’ ഇപ്പോള്‍ ടെലഗ്രാമിലും ലഭ്യമാണ്. കൂടുതല്‍ വാര്‍ത്തകള്‍ക്കും അപ്‌ഡേറ്റുകള്‍ക്കുമായി ടെലഗ്രാം ചാനല്‍ സബ്‌സ്‌ക്രൈബ് ചെയ്യാം
കമ്പനിയില്‍ പാര്‍ട്ണറാക്കാമെന്ന് വാഗ്ദാനം ചെയ്ത് ആറന്‍മുള സ്വദേശി ഹരികൃഷ്ണനില്‍ നിന്നും 28.75 ലക്ഷം രൂപ വാങ്ങിയെങ്കിലും തുടര്‍നടപടികളുണ്ടായില്ലെന്നാണ് പരാതി. പല തവണ കുമ്മനം രാജശേഖരനെ കണ്ടിട്ടും നടപടി ഉണ്ടായില്ലെന്നും പരാതിയില്‍ പറയുന്നു. പണം തിരിമറി, വിശ്വാസ വഞ്ചന എന്നീ വകുപ്പുകളാണ് പ്രതികള്‍ക്കെതിരെ ചുമത്തിയിരിക്കുന്നത്.