ജമ്മുകാശ്മീരിന്റെ പ്രത്യേക പദവി റദ്ദാക്കിയതിന് പിന്നാലെ തടങ്കലിലാക്കിയ മുന് മുഖ്യമന്ത്രി ഫറൂഖ് അബ്ദുള്ളയെ മോചിപ്പിച്ചു. ഏഴുമാസത്തെ വീട്ടുതടങ്കലിന് ശേഷമാണ് മോചനം. ജമ്മുകാശ്മീര് പ്രിന്സിപ്പല് സെക്രട്ടറി രോഹിത് കന്സാലാണ് ഇതുസംബന്ധിച്ച ഉത്തരവ് പുറത്തിറക്കിയത്.
ദ ക്യു’ ഇപ്പോള് ടെലഗ്രാമിലും ലഭ്യമാണ്. കൂടുതല് വാര്ത്തകള്ക്കും അപ്ഡേറ്റുകള്ക്കുമായി ടെലഗ്രാം ചാനല് സബ്സ്ക്രൈബ് ചെയ്യാം
വിചാരണ കൂടാതെ തടങ്കലിലാക്കാന് സാധിക്കുന്ന പൊതുസുരക്ഷാ നിയമവും 83-കാരനായ ഫറൂഖ് അബ്ദുള്ളയുടെ പേരില് ചുമത്തിയിരുന്നു. അതേസമയം തടവിലുള്ള മറ്റ് നേതാക്കളായ ഒമര് അബ്ദുള്ളയെയും മെഹ്ബൂബ മുഫ്തിയെയും മോചിപ്പിച്ചിട്ടില്ല.
കാശ്മീരിന് പ്രത്യേക പദവി നല്കുന്ന ഭരണഘടനയിലെ 370-ാം അനുച്ഛേദം റദ്ദാക്കിയതിന് പിന്നാലെ ജമ്മുകാശ്മീര് മുന് മുഖ്യമന്ത്രിമാരായ ഒമര് അബ്ദുള്ളയും മെഹബൂബ മുഫ്തിയും ഫറൂഖ് അബ്ദുള്ളയുമടക്കം നിരവധി നേതാക്കന്മാരാണ് അറിസ്റ്റിലും വീട്ടുതടങ്കലിലുമാക്കപ്പെട്ടത്.