ഒരു രാജ്യം, ഒരു തെരഞ്ഞെടുപ്പ് സംവിധാനത്തിന് തയ്യാറെന്ന് മുഖ്യ തെരഞ്ഞെടുപ്പ് കമ്മീഷണര്‍ സുനില്‍ അറോറ. രാജ്യത്ത് ഒറ്റ തെരഞ്ഞെടുപ്പ് നടത്താന്‍ പ്രധാനമന്ത്രി നരേന്ദ്രമോദി ആഹ്വാനം ചെയ്ത് ദിവസങ്ങള്‍ക്ക് പിന്നാലെയാണ് തെരഞ്ഞെടുപ്പ് കമ്മീഷണറുടെ പ്രസ്ഥാവന. നിലവിലുള്ള നിയമങ്ങളില്‍ ആവശ്യമായ ഭേദഗതി വരുത്തിയാല്‍ ഒറ്റ തെരഞ്ഞെടുപ്പ് നടത്താന്‍ കമ്മീഷന്‍ ഒരുക്കമാണെന്ന് സുനില്‍ അറോറ ന്യൂസ് 18നോട് പറഞ്ഞു.

രാജ്യത്ത് മിക്കവാറും എല്ലാ മാസവും തെരഞ്ഞെടുപ്പുകള്‍ നടക്കുന്നത് വികസനപ്രവര്‍ത്തനങ്ങളെ ബാധിക്കുന്നുണ്ടെന്നായിരുന്നു പ്രധാനമന്ത്രി നരേന്ദ്രമോദി പറഞ്ഞത്. ഒരു വോട്ടേഴ്‌സ് ലിസ്റ്റ് ഉപയോഗിച്ച് ഒരു രാജ്യം ഒരു തെരഞ്ഞെടുപ്പ് എന്ന തരത്തില്‍ തെരഞ്ഞെടുപ്പ് നടത്തുന്നത് ഈ പ്രശ്‌നത്തിന് പരിഹാരമാകുമെന്നും, ഇത് സംബന്ധിച്ച് വിശദമായ പഠനം നടത്തണമെന്നും പ്രധാനമന്ത്രി പറഞ്ഞിരുന്നു. എന്നാല്‍ കോണ്‍ഗ്രസടക്കമുള്ള പ്രതിപക്ഷ പാര്‍ട്ടികള്‍ ഈ ആശയത്തിനെതിരെ രംഗത്തെത്തിയിരുന്നു.

ദ ക്യു പ്രോഗ്രാമുകള്‍ക്കും വീഡിയോകള്‍ക്കുമായി ഞങ്ങളുടെ യൂട്യൂബ് ചാനല്‍ ഈ ലിങ്കില്‍ സബ്‌സ്‌ക്രൈബ് ചെയ്യാം

Election Commission Ready for One Nation, One Election Says CEC Sunil Arora