മഞ്ചേശ്വരം തെരഞ്ഞെടുപ്പ് കോഴക്കേസില് ബി.ജെ.പി സംസ്ഥാന അധ്യക്ഷന് കെ.സുരേന്ദ്രനെ ക്രൈംബ്രാഞ്ച് ചോദ്യം ചെയ്യും. വ്യാഴാഴ്ച ഹാജരാകാന് നിര്ദേശിച്ച് നോട്ടീസ് നല്കി. മഞ്ചേശ്വരത്തെ സ്ഥാനാര്ത്ഥിത്വം പിന്വലിക്കാന് സ്ഥാനാര്ത്ഥിയായിരുന്ന കെ.സുന്ദരയ്ക്ക് കോഴ നല്കിയെന്നാണ് കേസ്.
ബദിയടുക്ക പൊലീസ് ജൂണ് ഏഴിനാണ് സുരേന്ദ്രനെതിരെ കേസ് രജിസ്റ്റര് ചെയ്തത്. മണ്ഡലത്തിലെ ഇടതുമുന്നണി സ്ഥാനാര്ഥിയായിരുന്ന വി.വി.രമേശാണ് പരാതി നല്കിയത്. ഇതേ തുടര്ന്ന് കാസര്ഗോഡ് ഫസ്റ്റ് ക്ലാസ് മജിസ്ട്രേറ്റ് കോടതി കെ സുരേന്ദ്രനെ പ്രതി ചേര്ക്കാന് അനുമതി നല്കിയിരുന്നു. സ്ഥാനാര്ത്ഥിത്വം പിന്വലിക്കാന് പണം ലഭിച്ചെന്ന് വെളിപ്പെടുത്തിയ കെ.സുന്ദരയുടെയും, ബന്ധുക്കളുടെയും രഹസ്യ മൊഴി നേരത്തെ രേഖപ്പെടുത്തിയിരുന്നു.
സുന്ദരയില് നിന്ന് രണ്ട് ലക്ഷം രൂപ പൊലീസ് കണ്ടെടുത്തിരുന്നു. തുടരന്വേഷണത്തിന്റെ ഭാഗമായാണ് കെ.സുരേന്ദ്രന് ക്രൈംബ്രാഞ്ച് നോട്ടീസ് നല്കിയത്. നേരത്തെയും ചോദ്യം ചെയ്യലിന് ഹാജരാകാന് നിര്ദേശമുണ്ടായിരുന്നുവെങ്കിലും സുരേന്ദ്രന് ഹാജരായിരുന്നില്ല.