പാര്‍ട്ടി പ്രവര്‍ത്തകര്‍ അംഗങ്ങളായ വാട്‌സ്ആപ്പ് ഗ്രൂപ്പില്‍ സ്വന്തം നഗ്നചിത്രം അയച്ച സംഭവത്തില്‍ സിപിഎം നേതാവിനെതിരെ നടപടി. സിപിഎം പയ്യന്നൂര്‍ ഏരിയ സെക്രട്ടറി കെ പി മധുവിനെയാണ് സ്ഥാനത്ത് നിന്നും നീക്കിയത്.
ക്യു’ ഇപ്പോള്‍ ടെലഗ്രാമിലും ലഭ്യമാണ്. കൂടുതല്‍ വാര്‍ത്തകള്‍ക്കും അപ്‌ഡേറ്റുകള്‍ക്കുമായി ടെലഗ്രാം ചാനല്‍ സബ്‌സ്‌ക്രൈബ് ചെയ്യാം
കണ്ണൂരില്‍ വെള്ളിയാഴ്ച ചേര്‍ന്ന സിപിഎം ജില്ലാ സെക്രട്ടേറിയേറ്റ് യോഗമാണ് ഇതുസംബന്ധിച്ച് തീരുമാനമെടുത്തത്. ഏരിയ കമ്മിറ്റി അംഗവും മുതിര്‍ന്ന നേതാവുമായ വി കുഞ്ഞികൃഷ്ണനാണ് പുതിയ ഏരിയ സെക്രട്ടറി.
നാട്ടുഗ്രാമം മുത്തത്തി എന്ന പാര്‍ട്ടിപ്രവര്‍ത്തകരുടെ വാട്‌സ്ആപ്പ് ഗ്രൂപ്പിലായിരുന്നു കഴിഞ്ഞ ദിവസം നഗ്നചിത്രം പ്രത്യക്ഷപ്പെട്ടത്. സിപിഎം പ്രാദേശിക നേതാക്കളും പോഷക സംഘടനാ അംഗങ്ങളും ഉള്‍പ്പെടെ ഗ്രൂപ്പിലുണ്ടായിരുന്നു. ചിത്രം കണ്ട ഗ്രൂപ്പ് അംഗങ്ങളാണ് പരാതിയുമായി രംഗത്തെത്തിയത്.