കേരളാ മാതൃകയെ പ്രശംസിച്ച് സുപ്രീംകോടതി. കൊവിഡ് 19 പ്രതിരോധത്തിന്റെ ഭാഗമായി കുട്ടികള്ക്ക് ഉച്ചഭക്ഷണം ഉറപ്പിച്ച സംസ്ഥാന സര്ക്കാരിന്റെ നടപടിയെയാണ് സുപ്രീംകോടതി മാതൃകയാണെന്ന് പരാമര്ശിച്ചത്. ചീഫ് ജസ്റ്റിസ് അധ്യക്ഷനായ ബെഞ്ചിന്റെതാണ് പ്രശംസ.
ദ ക്യു’ ഇപ്പോള് ടെലഗ്രാമിലും ലഭ്യമാണ്. കൂടുതല് വാര്ത്തകള്ക്കും അപ്ഡേറ്റുകള്ക്കുമായി ടെലഗ്രാം ചാനല് സബ്സ്ക്രൈബ് ചെയ്യാം
കൊവിഡ് റിപ്പോര്ട്ട് ചെയ്യുമ്പോള് മറ്റ് സംസ്ഥാനങ്ങളും കേന്ദ്ര ഭരണ പ്രദേശങ്ങളും എന്ത് ചെയ്യുകയാണെന്ന് സുപ്രീംകോടതി ചോദിച്ചു. മുഖ്യമന്ത്രി പിണറായി വിജയന്റെ നിര്ദേശ പ്രകാരമാണ് 33,115 അങ്കണവാടികളിലെ 3.75 ലക്ഷം കുട്ടികള്ക്ക് ഭക്ഷണം എത്തിക്കുന്നതിനുള്ള നടപടി സ്വീകരിച്ചത്.
കൊവിഡ് 19 രോഗ പ്രതിരോധത്തിനായി സംസ്ഥാന സര്ക്കാര് സ്വീകരിച്ച നടപടികളെ കഴിഞ്ഞ ദിവസം സുപ്രീംകോടതി അഭിനന്ദിച്ചിരുന്നു.സംസ്ഥാനത്തെ ജയിലുകളില് ഒരുക്കിയ സജ്ജീകരണത്തിനായിരുന്നു ചീഫ് ജസ്റ്റിസ് അധ്യക്ഷനായ ബെഞ്ചിന്റെ പ്രശംസ. രാജ്യത്തെ ജയിലുകളില് കഴിയുന്നവര് സുരക്ഷിതരാണോയെന്ന് പരിശോധിക്കാന് സുപ്രീംകോടതി സ്വമേധയാ കേസെടുത്തിരുന്നു.