മുഖ്യമന്ത്രിക്കെതിരായ വിമാനത്തിലെ പ്രതിഷേധവുമായി ബന്ധപ്പെട്ട് എല്.ഡി.എഫ് കണ്വീനര് ഇ.പി. ജയരാജനെതിരെ കേസെടുക്കാന് ഉത്തരവ്. ഇ.പി. ജയരാജനും മുഖ്യമന്ത്രിയുടെ പേഴ്സണല് സ്റ്റാഫടക്കമുള്ളവര്ക്കെതിരെയാണ് കോടതി ഉത്തരവ്.
മുഖ്യമന്ത്രിയുടെ പേഴ്സണല് സ്റ്റാഫ് അംഗങ്ങളായ അനില് കുമാര് സുനീഷ് എന്നിവര്ക്കെതിരെയാണ് എഫ്.ഐ.ആര് രജിസ്റ്റര് ചെയ്യാന് ഉത്തരവിട്ടിരിക്കുന്നത്. തിരുവനന്തപുരം ജുഡീഷ്യല് മജിസ്ട്രേറ്റ് കോടതിയുടേതാണ് നടപടി.
യൂത്ത് കോണ്ഗ്രസ് പ്രവര്ത്തകരുടെ പരാതിയിലാണ് നടപടി. വിമാനത്തില് മുഖ്യമന്ത്രിക്കെതിരെ പ്രതിഷേധിച്ച സംഭവത്തില് മൂന്ന് യൂത്ത് കോണ്ഗ്രസ് പ്രവര്ത്തകര്ക്കെതിരെയാണ് കേസെടുത്തിരുന്നത്. ഗൂഢാലോചന നടത്തിയെന്നാരോപിച്ച് കെഎസ് ശബരീനാഥനെതിരെയും പൊലീസ് കേസ് എടുത്തിരുന്നു.
വലിയതുറ പൊലീസിനാണ് കോടതി നിര്ദേശം നല്കിയിരിക്കുന്നത്. വധശ്രമം, ക്രിമിനല് ഗൂഢാലോചന തുടങ്ങിയ വകുപ്പുകള് പ്രകാരം കേസെടുക്കാനാണ് ഉത്തരവ്.