ജൂണില് പുതിയ അധ്യക്ഷനെ തെരഞ്ഞെടുക്കാന് കോണ്ഗ്രസ് പ്രവര്ത്തക സമിതി തീരുമാനിച്ചു. ഇതിനായി താല്കാലിക അധ്യക്ഷ സ്ഥാനത്ത് സോണിയാ ഗാന്ധിയുടെ കാലാവധി ദീര്ഘിപ്പിച്ചു. മേയ് മാസത്തില് സംഘടനാ തെരഞ്ഞെടുപ്പ് നടത്തുമെന്നും യോഗതീരുമാനങ്ങള് വിശദീകരിച്ച് എ.ഐ.സി.സി ജനറല് സെക്രട്ടറി കെ.സി.വേണുഗോപാല് പറഞ്ഞു.
അഞ്ച് മാസങ്ങള്ക്ക് മുന്പ് ചേര്ന്ന പ്രവര്ത്തക സമിതി തീരുമാനിച്ചത് ആറുമാസത്തിനുള്ളില് സ്ഥിരം അധ്യക്ഷനെ നിയോഗിക്കാനായിരുന്നു. അതിന് സാധിക്കാത്തതിനാല് ഇതിനായുള്ള സമയപരിധി പ്രവര്ത്തക സമിതി ആറ് മാസം കൂടി ദീര്ഘിപ്പിക്കുകയായിരുന്നു. ഓണ്ലൈനായാണ് പ്രവര്ത്തക സമിതി ചേര്ന്നത്.