വിദേശത്തുള്ള ഇന്ത്യന്‍ പൗരന്‍മാര്‍ക്ക് തിരിച്ചെത്താന്‍ കഴിയുന്നില്ലെന്ന് മുഖ്യമന്ത്രി പിണറായി വിജയന്‍. കേന്ദ്രസര്‍ക്കാരിന്റെ സര്‍ക്കുലറാണ് തടസ്സം. രോഗിയായത് കൊണ്ട് ഒരാളെ കയ്യോഴിയാമോയെന്ന് മുഖ്യമന്ത്രി പിണറായി വിജയന്‍ നിയമസഭയില്‍ ചോദിച്ചു.
ദ ക്യു’ ഇപ്പോള്‍ ടെലഗ്രാമിലും ലഭ്യമാണ്. കൂടുതല്‍ വാര്‍ത്തകള്‍ക്കും അപ്‌ഡേറ്റുകള്‍ക്കുമായി ടെലഗ്രാം ചാനല്‍ സബ്‌സ്‌ക്രൈബ് ചെയ്യാം
വിദേശത്തുള്ളവര്‍ക്ക് ഇന്ത്യയിലേക്ക് വരാനുള്ള വിലക്ക് നീക്കണമെന്ന് കേന്ദ്ര സര്‍ക്കാരിനോട് ആവശ്യപ്പെടുമെന്ന് മുഖ്യമന്ത്രി പിണറായി വിജയന്‍ വ്യക്തമാക്കി. കേന്ദ്ര ആരോഗ്യമന്ത്രിക്ക് കത്ത് അയക്കും. പൗരന്‍മാരെ തിരിച്ചെത്തിക്കാത്ത നടപടി അപരിഷ്‌കൃതമാണ്.
വിദേശത്തുള്ള മലയാളികളെ തിരിച്ചെത്തിക്കാന്‍ നിയമസഭയില്‍ പ്രമേയം കൊണ്ടുവരും.മുഖ്യമന്ത്രി പിണറായി വിജയന്റെ നിര്‍ദേശത്തെ പ്രതിപക്ഷ നേതാവ് രമേശ് ചെന്നിത്തല പിന്തുണച്ചു. മുഖ്യമന്ത്രിയുടെ നിലപാടിനോട് യോജിക്കുന്നുവെന്ന് രമേശ് ചെന്നിത്തല പ്രതികരിച്ചു.
യാത്ര വിലക്ക് കാരണം ഗള്‍ഫ് രാജ്യങ്ങളിലേക്ക് മടങ്ങി പോകാന്‍ കഴിയാത്ത മലയാളികളുടെ ജോലി നഷ്ടപ്പെടുമെന്ന ആശങ്കയുണ്ട്. ഇതില്‍ ആവശ്യമായ നടപടി സ്വീകരിക്കണമെന്ന് കേന്ദ്ര വിദേശകാര്യമന്ത്രിയോട് ആവശ്യപ്പെട്ടതായും മുഖ്യമന്ത്രി പിണറായി വിജയന്‍ അറിയിച്ചു.