രാജ്യത്ത് അവശ്യമരുന്നുകളുടെ വില കൂട്ടാനുള്ള മരുന്ന് കമ്പനികളുടെ ആവശ്യം കേന്ദ്രസര്ക്കാര് അംഗീകരിച്ചു. 21 മരുന്നുകള്ക്ക് അമ്പത് ശതമാനം വില ഉയരും. ബിസിജി വാക്സിന്, മലേറിയ, കുഷ്ഠ രോഗത്തിനുള്ള മരുന്ന്, ആന്റി ബയോട്ടിക്കുകള് എന്നിവയുടെ വില വര്ധിപ്പിക്കാനാണ് നാഷണല് ഫാര്മസ്യൂട്ടിക്കല് പ്രൈസിംഗ് അതോറിറ്റി അനുമതി നല്കിയിരിക്കുന്നത്.
ചൈനയില് നിന്നെത്തിക്കുന്ന മരുന്ന് ചേരുവകള്ക്ക് വില ഉയര്ന്നതാണ് നടപടിക്ക് കാരണമായി അധികൃതര് വിശദീകരിക്കുന്നത്. മരുന്നുകള്ക്ക് വിപണിയില് ക്ഷാമമുണ്ടാകാതിരിക്കണം. ജനതാല്പര്യമാണ് പരിഗണിക്കുന്നത്. മരുന്നുകള്ക്ക് ലഭ്യതക്കുറവുണ്ടെന്നും അതോറിറ്റി അധികൃതര് പറയുന്നു.
ഡിസംബര് ഒമ്പതിനാണ് അതോറിറ്റി യോഗം ചേര്ന്ന് മരുന്ന് വില ഉയര്ത്താനുള്ള കമ്പനികളുടെ ആവശ്യം അംഗീകരിച്ചത്. അസംസ്കൃതവസ്തുക്കളുടെ വില കൂടിയതിനാല് ഉത്പാദനം നിര്ത്തുമെന്നും കമ്പനികള് അതോറിറ്റിയെ അറിയിച്ചിരുന്നു. നവംബറില് 12 മരുന്നുകള്ക്ക് 50 ശതമാനം വില വര്ധിപ്പിച്ചിരുന്നു.
‘ദ ക്യു’ ഇപ്പോള് ടെലഗ്രാമിലും ലഭ്യമാണ്. കൂടുതല് വാര്ത്തകള്ക്കും അപ്ഡേറ്റുകള്ക്കുമായി ടെലഗ്രാം ചാനല് സബ്സ്ക്രൈബ് ചെയ്യാം