നടി ഷംന കാസിമിനെ ഭീഷണിപ്പെടുത്തി പണം തട്ടിയ കേസുമായി ബന്ധപ്പെട്ട് നടന്മാരായ ടിനി ടോമിനും ധര്മ്മജന് ബോള്ഗാട്ടിക്കുമെതിരെ സോഷ്യല് മീഡിയയില് അനാവശ്യ വിവാദങ്ങള് ഉണ്ടാക്കുകയാണെന്ന് ഹൈബി ഈഡന് എംപി. കഷ്ടപ്പാടുകളും യാതനകളും അനുഭവിച്ച് സിനിമാ രംഗത്ത് എത്തിയവരാണ്. അനാവശ്യ വിവാദങ്ങളിലേക്ക് വലിച്ചിടുന്നത് ശരിയല്ല. ഇരുവരെയും പിന്തുണയ്ക്കുന്നുവെന്നും ഹൈബി ഈഡന് എം പി ഫേസ്ബുക്ക് പോസ്റ്റില് പറഞ്ഞു.
ഷംന കാസിമിനെ ഭീഷണിപ്പെടുത്തിയ കേസില് നടന് ധര്മ്മജന് ബോള്ഗാട്ടിയെ പൊലീസ് ചോദ്യം ചെയ്തിരുന്നു. സ്വര്ണക്കടത്തിന് പ്രതികള് ബന്ധപ്പെട്ടിരുന്നുവെന്ന് അറിയിച്ചതിനെ തുടര്ന്നാണ് പൊലീസ് തന്നെ വിളിപ്പിച്ചതെന്ന് ധര്മ്മന് ബോള്ഗാട്ടി മാധ്യമങ്ങളോട് പ്രതികരിച്ചിരുന്നു.
ബ്ലാക്ക്മെയില് കേസില് തെളിവില്ലാതെ വ്യാജ പ്രചരണം നടത്തുകയാണെന്ന് ഫേസ്ബുക്ക് ലൈവിലൂടെ ടിനി ടോമും വ്യക്തമാക്കിയിരുന്നു. വൈകാരികമായിട്ടായിരുന്നു ടിനി ടോമിന്റെ പ്രതികരണം. പ്രതികളുമായി ബന്ധമില്ല. പ്രതികളോ ഷംനയോ തന്റെ പേര് പറയില്ലെന്നും ടിനി ടോം വ്യക്തമാക്കിയിരുന്നു.