ഇന്ത്യയില്‍ ഫെയ്‌സ്ബുക്കും വാട്‌സ്ആപ്പും നിയന്ത്രിക്കുന്നത് ബിജെപിയും ആര്‍എസ്എസുമാണെന്ന് രാഹുല്‍ ഗാന്ധി. ഇതിലൂടെ പ്രചരിപ്പിക്കുന്ന വ്യാജവാര്‍ത്തകളും വിദ്വേഷവും വോട്ടര്‍മാരെ സ്വാധീനിക്കാന്‍ അവര്‍ ഉപയോഗിക്കുന്നതായും വാള്‍സ്ട്രീറ്റ് ജേണലിലെ റിപ്പോര്‍ട്ട് ചൂണ്ടിക്കാട്ടി രാഹുല്‍ ഗാന്ധി പറയുന്നു.
ക്യു’ ഇപ്പോള്‍ ടെലഗ്രാമിലും ലഭ്യമാണ്. കൂടുതല്‍ വാര്‍ത്തകള്‍ക്കും അപ്‌ഡേറ്റുകള്‍ക്കുമായി ടെലഗ്രാം ചാനല്‍ സബ്‌സ്‌ക്രൈബ് ചെയ്യാം
'ഇന്ത്യയില്‍ ബിജെപിയും ആര്‍എസ്എസുമാണ് ഫെയ്‌സ്ബുക്കും വാട്‌സ്ആപ്പും നിയന്ത്രിക്കുന്നത്. അവര്‍ അതിലൂടെ വ്യാജവാര്‍ത്തകളും വിദ്വേഷവും പ്രചരിപ്പിക്കുന്നു, അത് വോട്ടര്‍മാരെ സ്വാധീനിക്കാന്‍ ഉപയോഗിക്കുകയും ചെയ്യുന്നു. അവസാനം ഒരു അമേരിക്കന്‍ മാധ്യമം സത്യം പുറത്തുവിട്ടു', ട്വീറ്റില്‍ രാഹുല്‍ ഗാന്ധി പറയുന്നു.
ബിജെപി നേതാക്കളുടെ വിദ്വേഷ പ്രചരണങ്ങള്‍ക്കെതിരെ ഫെയ്സ്ബുക്ക് നടപടിയെടുത്തില്ലെന്നായിരുന്നു വാള്‍സ്ട്രീറ്റ് ജോണല്‍ പ്രസിദ്ധീകരിച്ച റിപ്പോര്‍ട്ട്. വ്യാജസന്ദേശങ്ങളും, വിദ്വേഷപ്രചരണങ്ങളും തടയുന്നതിനുള്ള തങ്ങളുടെ നയങ്ങളില്‍ വെള്ളം ചേര്‍ക്കുന്ന നിലപാടാണ് ഇന്ത്യയില്‍ ഫെയ്സ്ബുക്ക് സ്വീകരിക്കുന്നതെന്നും, ഇന്ത്യയിലെ ഭരണകക്ഷിയുമായുള്ള ഫെയ്സ്ബുക്കിന്റെ ബന്ധം വഷളാകാതിരിക്കാനാണ് മുസ്ലീംങ്ങള്‍ക്കെതിരായ ബിജെപി നേതാക്കളുടെ പോസ്റ്റുകളോട് മുഖം തിരിക്കുന്നതെന്നും റിപ്പോര്‍ട്ട് ആരോപിച്ചിരുന്നു.