റിപ്പബ്ലിക് ദിനത്തില്‍ ദേശീയ പതാക ഉയര്‍ത്തി അയോധ്യയില്‍ പള്ളി നിര്‍മ്മാണത്തിന് തുടക്കം. ധന്നിപ്പൂര് ഗ്രാമത്തിലാണ് പള്ളി നിര്‍മ്മിക്കുന്നത്. അയോധ്യ വിധിയെ തുടര്‍ന്ന് കോടതി അനുവദിച്ച അഞ്ചേക്കര്‍ ഭൂമിയിലാണ് പള്ളി നിര്‍മ്മാണം.
രാവിലെ 8.45ന് ഇന്‍ഡോ-ഇസ്ലാമിക് കള്‍ച്ചറല്‍ ഫൗണ്ടേഷന്‍ ട്രസ്റ്റ് ചീഫ് സഫര്‍ അഹമ്മദ് ഫാറൂഖി ദേശീയ പതാക ഉയര്‍ത്തി. ട്രസ്റ്റംഗങ്ങള്‍ 12 മരങ്ങള്‍ നട്ടു. ഇന്‍ഡോ-ഇസ്ലാമിക് കള്‍ച്ചറല്‍ ഫൗണ്ടേഷന്‍ ട്രസ്റ്റിന്റെ നേതൃത്വത്തിലാണ് പള്ളി നിര്‍മ്മിക്കുന്നത്.
അയോധ്യയില്‍ രാമക്ഷേത്രം നിര്‍മ്മിക്കുന്നതിന്റെ 25 കിലോമീറ്റര്‍ അകലെയാണ് പള്ളി പണിയുന്നത്. പള്ളിയുടെ മാതൃക നേരത്തെ പുറത്ത് വന്നിരുന്നു. ആശുപത്രിയും കമ്യൂണിറ്റി കിച്ചനും ഉള്‍പ്പെടുന്നതാണ് പള്ളി.