മുംബൈ: ആര്തര് റോഡ് ജയിലിലെ സഹ തടവുകാരുടെ കുടുംബങ്ങള്ക്ക് ബോളിവുഡ് നടന് ഷാരൂഖ് ഖാന്റെ മകന് ആര്യന് ഖാന് സഹായം വാഗ്ദാനം ചെയ്തുവെന്ന് ജയില് അധികൃതര്.
ജയില്വാസത്തിനിടെ പരിചയത്തിലായ ഏതാനും തടവുകാരുടെ കുടുംബത്തിന്റെ അവസ്ഥ അറിഞ്ഞ ആര്യന് അവര്ക്ക് സാമ്പത്തിക സഹായവും നിയമസഹായവും വാഗ്ദാനം ചെയ്യുകയായിരുന്നെന്നാണ് റിപ്പേര്ട്ടുകള്.
കഴിഞ്ഞ ദിവസം മയക്കുമരുന്ന് കേസില് അറസ്റ്റിലായ ആര്യന് ഖാന് ബോംബൈ ഹൈക്കോടതി ജാമ്യം അനുവദിച്ചിരുന്നു. വ്യാഴാഴ്ച വൈകിട്ട് ആറുമണിയോടെയാണ് ആര്യനെ ജയില് അധികൃതര് വിവരം അറിയിച്ചത്.
21 ദിവസത്തിന് ശേഷമാണ് ആര്യന് ജാമ്യം അനുവദിച്ചത്. മയക്കുമരുന്ന് കേസില് അറസ്റ്റിലായതിന് ശേഷം ആര്യന് ഖാനെ ആര്തര് റോഡ് ജയിലിലാണ് താമസിപ്പിച്ചിരുന്നത്.
നാര്ക്കോട്ടിക് കണ്ട്രോള് ബ്യൂറോ ആഢംബര കപ്പലില് നടത്തിയ റെയ്ഡില് ആര്യന് ഖാനെ ഒക്ടോബര് 2നാണ് അറസ്റ്റ് ചെയ്തത്.