ഗുരുവായൂര്‍ ക്ഷേത്രത്തില്‍ തകില്‍വാദകനായി ദളിത് കലാകാരനെ നിയമിച്ചു. തകില്‍ അടിയന്തിരക്കാരനായാണ് എരുമപ്പെട്ടി കരുവന്നൂര്‍ മേലേപുരയ്ക്കല്‍ സതീഷിനെ ദേവസ്വം റിക്രൂട്ട്‌മെന്റ് ബോര്‍ഡ് നിയമിച്ചത്. ഇതാദ്യമായാണ് ഗുരുവായൂരില്‍ വാദ്യ അടിയന്തിര വിഭാഗത്തില്‍ ദളിതനായ കലാകാരന്‍ നിയമിതനാകുന്നത്.
പട്ടികജാതി വിഭാഗത്തില്‍പ്പെട്ട കെ.രാധാകൃഷ്ണന്‍ ദേവസ്വം വകുപ്പ് മന്ത്രിയായതിന് ശേഷമാണ് ക്ഷേത്രത്തില്‍ ദളിത് കലാകാരനെ നിയമിച്ചുകൊണ്ടുള്ള ഉത്തരവുണ്ടായത്.
നേരത്തെ ഗുരുവായൂര്‍ ക്ഷേത്രത്തില്‍ ദളിതനായതിന്റെ പേരില്‍ ഇലത്താളം കലാകാരനെ പുറത്താക്കിയത് ഏറെ വിവാദങ്ങള്‍ക്ക് വഴിവെച്ചിരുന്നു. വി.എസ്.ശിവകുമാര്‍ ദേവസ്വം മന്ത്രിയായിരിക്കുമ്പോളായിരുന്നു ഇത്.