'പകപോക്കാന്‍ രാജ്യദ്രോഹികളെ കൂട്ടുപിടിച്ചു, അധികാര ദുര്‍വിനിയോഗം നടത്തി', കെ.ടി.ജലീലിനെതിരെ ആരോപണം
സമൂഹമാധ്യമത്തിലൂടെ തന്നെ അധിക്ഷേപിച്ചയാളെ നാട്ടിലെത്തിക്കാന്‍ മന്ത്രി കെ.ടി.ജലീല്‍ അധികാര ദുര്‍വിനിയോഗം നടത്തി എന്ന് ആരോപണം. മന്ത്രിക്കെതിരെ പോസ്റ്റിട്ടതിന് എടപ്പാള്‍ സ്വദേശി യാസിനെ യുഎഇയില്‍ നിന്ന് നാടുകടത്തി കേരളത്തിലെത്തിക്കാന്‍ കെ.ടി.ജലീല്‍ കോണ്‍സുലേറ്റില്‍ സമ്മര്‍ദ്ദം ചെലുത്തിയെന്ന സ്വപ്‌ന സുരേഷിന്റെ മൊഴി കഴിഞ്ഞ ദിവസം പുറത്ത് വന്നിരുന്നു.
പകപോക്കാന്‍ മന്ത്രി രാജ്യദ്രോഹികളെ കൂട്ടുപിടിക്കുകയായിരുന്നുവെന്നും അധികാര ദുര്‍വിനിയോഗം നടത്തിയെന്നും യാസിന്‍ ട്വന്റിഫോര്‍ ന്യൂസിനോട് പറഞ്ഞു.
നാട്ടില്‍ ഇല്ലാത്ത രീതിയില്‍ സൈബര്‍ ക്രൈം എന്ന പേരില്‍ വീട്ടില്‍ രണ്ട് തവണ റെയ്ഡ് നടത്തിച്ചു. താന്‍ കലാപം ഉണ്ടാക്കാന്‍ ശ്രമിച്ചു എന്നാണ് മന്ത്രിയുടെ പരാതി. എന്നാല്‍ വിഡിയോ ഇപ്പോഴും സമൂഹമാധ്യങ്ങളില്‍ ഉണ്ടെന്നും അത്തരത്തില്‍ ഉള്ള ഒരു പരാമര്‍ശവും താന്‍ നടത്തിയിട്ടില്ലന്നും യാസിന്‍ പറഞ്ഞു.