കണ്ണൂര്: രാമനാട്ടുകര സ്വര്ണക്കടത്ത് കേസിന്റെ പശ്ചാത്തലത്തില് തള്ളിപ്പറഞ്ഞ ഡിവൈഎഫ്ഐ നേതൃത്വത്തിന് താക്കീതുമായി ആകാശ് തില്ലങ്കേരി. ഒറ്റരാത്രികൊണ്ട് ഒറ്റുകാരനാക്കുന്ന പ്രവണത അംഗീകരിക്കാനാകില്ലെന്നും നുണപ്രചാരണം ശ്രദ്ധയില്പ്പെടുത്തിയിട്ടും തിരുത്താന് തയ്യാറായില്ലെങ്കില് എനിക്കും പരസ്യമായി പ്രതികരിക്കേണ്ടി വരുമെന്നും ആകാശ് തില്ലങ്കേരി പറഞ്ഞു.
ആകാശ് തില്ലങ്കേരി അവസാനമിട്ട ഫേസ്ബുക്ക് പോസ്റ്റില് കമന്റായാണ് ഡിവൈഎഫ്ഐ നേതൃത്വത്തെ വിമര്ശിക്കുന്നത്.
'' അവരെ തെറ്റുപറഞ്ഞിട്ട് കാര്യമില്ല... യുവജന സംഘടനയിലെ ഉത്തരവാദിത്തപ്പെട്ടവര് തന്നെ ഫേസ്ബുക്ക് പോസ്റ്റിലൂടെ സഖാവ് ബാബുവേട്ടന്റെ കൊലയാളികളുടെ കൂടെ ക്വട്ടേഷന് നടത്തി എന്ന് ധ്വനിപ്പിച്ചു പോസ്റ്റുകള് ഇടുമ്പോള് ആരായാലും ഇതേപോലെ പ്രതികരിച്ചു പോകും. അതൊരുതരം വൈകാരികത ഇളക്കിവിടലാണ്... എന്നെ അടുത്തറിയുന്നവര് അത് വിശ്വസിക്കില്ലെങ്കിലും പറയുന്നത് ഡിവൈഎഫ്ഐ ജില്ലാ സെക്രട്ടറി ആകുമ്പോള് അതില് ആധികാരികത ഉണ്ടെന്ന് അവര് ധരിച്ചു പോകും.
അങ്ങിനെ രക്തസാക്ഷികളെ ഒറ്റുകൊടുത്തവര് ആരാണെങ്കിലും അവരുടെ പേരുപറഞ്ഞു തന്നെ തുറന്നുകാട്ടണം. ഞാന് വെല്ലുവിളിക്കുന്നു ആ പ്രചാരണം എന്റെ പേരില് അഴിച്ചുവിടുന്നവരെ, ഞാനത് ചെയ്തെന്ന് നിങ്ങള് തെളിയിക്കുമെങ്കില് ഞാന് തെരുവില് വന്ന് നില്ക്കാം, നിങ്ങളെന്നെ കല്ലെറിഞ്ഞോളൂ. ജ
ജില്ലാ സെക്രട്ടറി ആവുമ്പോള് അതില് ആധികാരികത ഉണ്ടെന്ന് അവര് ധരിച്ചുപോകും. അങ്ങനെ രക്തസാക്ഷികളെ ഒറ്റുകൊടുത്തവര് ആരാണെങ്കിലും അവരുടെ പേരുപറഞ്ഞു തന്നെ തുറന്നുകാട്ടണം. ഇതുപോലുള്ള നുണപ്രചരണങ്ങള് ശ്രദ്ധയില്പ്പെടുത്തിയിട്ടും അവര് തിരുത്താന് തയ്യാറായില്ലെങ്കില് എനിക്കും പരസ്യമായി പ്രതികരിക്കേണ്ടി വരും. പാര്ട്ടി ഷുഹൈബ് കേസില് പ്രതിചേര്ക്കപ്പെട്ടപ്പോള് എന്നെ പുറത്താക്കിയതാണ്. അത് എനിക്കും നിങ്ങള്ക്കും എല്ലാവര്ക്കും ബോധ്യമുള്ള കാര്യമാണ്. അന്ന് മുതല് ഞാന് ചെയ്യുന്ന ഏതൊരുകാര്യത്തിനും പാര്ട്ടിക്ക് ഉത്തരവാദിത്തം ഏല്ക്കേണ്ട കാര്യമില്ല. അതൊരു വസ്തുതയാണ്. എന്നുകരുതി ഒറ്റരാത്രികൊണ്ട് ഒറ്റുകാരനാക്കുന്ന പ്രവണത പാര്ട്ടിയെ സ്നേഹിക്കുന്ന ഒരു വ്യക്തി എന്ന നിലയില് എനിക്ക് അംഗീകരിക്കാന് കഴിയില്ല... ഒരു വാര്ത്താ സമ്മേളനം പ്രതീക്ഷിക്കാം.