നടിയെ ആക്രമിച്ച കേസില് പ്രതിപ്പട്ടികയില് നിന്നും ദിലീപിനെ ഒഴിവാക്കരുതെന്ന് പ്രോസിക്യൂഷന്. ദിലീപിനെതിരെ മതിയായ തെളിവുകളുണ്ട്. ഇക്കാര്യം രേഖാമൂലം കോടതിയെ അറിയിച്ചു. ദിലീപ് സമര്പ്പിച്ച വിടുതല്ഹര്ജിയില് വാദം പൂര്ത്തിയായി.
ദ ക്യു വീഡിയോ പ്രോഗ്രാമുകള്ക്കും വീഡിയോകള്ക്കുമായി ഞങ്ങളുടെ യൂട്യൂബ് ചാനല് ഈ ലിങ്കില് സബ്സ്ക്രൈബ് ചെയ്യാം
വിടുതല് ഹര്ജിയില് ജനുവരി നാലിന് വിധി പറയും. ദിലീപിന്റെ ഹര്ജിയിലെ വിവരങ്ങള് പുറത്ത് വിടരുതെന്ന് കോടതി ആവശ്യപ്പെട്ടിരുന്നു. കേസില് രഹസ്യ വിചാരണയാണ് നടക്കുന്നത്. ഹര്ജി തള്ളിയാല് ദിലീപ് വിചാരണ നടപടികള് നേരിടേണ്ടി വരും.
കേസിലെ തെളിവുകള് അഭിഭാഷകരുടെ സാന്നിധ്യത്തില് ദിലീപ് പരിശോധിച്ചിരുന്നു. വിചാരണ തുടങ്ങുന്നതിനിടെയാണ് വിടുതല് ഹര്ജി നല്കിയത്. വിചാരണ നീട്ടിക്കൊണ്ടു പോകുന്നതിനാണ് ഇതെന്ന് ആരോപണം ഉയര്ന്നിരുന്നു. ആറ് മാസത്തിനകം കേസില് വിചാരണ പൂര്ത്തിയാക്കണമെന്ന് സുപ്രീംകോടതി നിര്ദേശിച്ചിട്ടുണ്ട്.
ദ ക്യു’ ഇപ്പോള് ടെലഗ്രാമിലും ലഭ്യമാണ്. കൂടുതല് വാര്ത്തകള്ക്കും അപ്ഡേറ്റുകള്ക്കുമായി ടെലഗ്രാം ചാനല് സബ്സ്ക്രൈബ് ചെയ്യാം