ഓണത്തോട് അനുബന്ധിച്ച് പുതിയ സ്വർണാഭരണ ശേഖരം അനാവരണം ചെയ്ത് തനിഷ്ക്. ഓണക്കാഴ്ചകളില്‍ നിന്ന് ആശയമുള്‍ക്കൊണ്ടാണ് ആഭരണങ്ങള്‍ തയ്യാറക്കിയിട്ടുളളത്. ദുബായ് ബിസിനസ് ബേ താജില്‍ നടന്ന ചടങ്ങിലാണ് ആഭരണങ്ങള്‍ അനാവരണം ചെയ്തത്. ചുണ്ടന്‍ വളളം, മോഹിനിയാട്ടം, ഹൗസ് ബോട്ടുകള്‍, ഗജവീരന്മാരുടെ ഘോഷയാത്ര തുടങ്ങിയവയെല്ലാം ആഭരണങ്ങളില്‍ കാണാം. സമ്പന്നമായ സാംസ്കാരിക പൈതൃകം ഉൾക്കൊള്ളുന്നതിനായി സൂക്ഷ്മമായി രൂപകല്പന ചെയ്തതാണ് ആഭരണങ്ങള്‍.
കേരളത്തിൻ്റെ സമ്പന്നമായ സാംസ്കാരിക വിസ്മയത്തിനുള്ള ഹൃദയംഗമമായ ആദരവാണ് ഇത്തവണത്തെ ഓണം ശേഖരമെന്ന് ടൈറ്റനിലെ ഇൻ്റർനാഷണൽ ബിസിനസ് സിഇഒ ശ്രീ കുരുവിള മാർക്കോസ് പറഞ്ഞു. ഓരോ ആഭരണവും ഓണത്തെ സംബന്ധിച്ച ഓരോ കഥപറയുന്നു. പാരമ്പര്യം, സംസ്‌കാരം, കരകൗശലം എന്നിവയുടെ ആഘോഷമാണിതെന്നും അദ്ദേഹം പറഞ്ഞു.
മോഹിനിയാട്ടം ഹരം, താമരവള, സണ്‍റേസ് ഗോള്‍ഡ് കട, പാലക്ക ലീഫ് പെന്‍ഡന്‍റ് തുടങ്ങിയവയും ശേഖരത്തിലുണ്ട്. ഓണം പ്രമാണിച്ച് തനിഷ്ക് ഉപയോക്താക്കള്‍ക്ക് ഡയമണ്ട് ആഭരണങ്ങള്‍ക്കും പണിക്കൂലിയിലും 25 ശതമാനം വരെ കിഴിവ് ലഭ്യമാകും.സ്റ്റോറുകളിലും ഓണ്‍ലൈനിലൂടെയും ഇത് ലഭ്യമാണ്.