വെസ്റ്റേൺ ഇന്റർ നാഷണല് ഗ്രൂപ്പിന്റെ കീഴിലുളള മാർക്ക് ആന്റ് സേവിന് അജ്മാനില് തുടക്കം. ഗള്ഫ് മേഖലയിലെ 12 മത് ഔട്ട്ലെറ്റാണിത് അജ്മാനിലെ അല് റഷീദിയ 3 ല് പ്രവർത്തനം ആരംഭിച്ച മാർക്ക് ആന്റ് സേവ് ജിസിസിയിലെ വിപുലീകരണമാണ് ലക്ഷ്യമിടുന്നത്.
വെസ്റ്റേൺ ഇൻറർനാഷനൽ ഗ്രൂപ്പ് ചെയർമാന് ബഷീർ കെ. പി, ഡയറക്ടർമാരായ നവാസ് ബഷീർ കെ. പി, ഫായിസ് ബഷീർ കെ. പി, റമീസ് ബഷീർ കെ പി, സിഇഒ ഷാനിദ് എന് ഖാന്, മുഹമ്മദ് ഫാസില് തുടങ്ങിയവർ സംബന്ധിച്ചു. സൗദി അറേബ്യ, ഒമാന്, കുവൈത്ത് എന്നിവിടങ്ങളില് സേവനം നല്കുന്ന മാർക്ക് ആന്റ് സേവ് ഖത്തറിലേക്കും പ്രവർത്തനം വ്യാപിപ്പിക്കും. 2030-ഓടെ ഇന്ത്യ, തെക്കുകിഴക്കൻ ഏഷ്യ, വടക്കേ അമേരിക്ക, യൂറോപ്പ് എന്നിവയുൾപ്പെടെ ലോകമെമ്പാടും 500 സ്റ്റോറുകൾ തുറക്കുമെന്നും സ്ഥാപന പ്രതിനിധികള് അറിയിച്ചു.
ഫാക്ടറിയിൽ നിന്ന് നേരിട്ട് മികച്ച ഗുണമേന്മയുള്ള ഉൽപ്പന്നങ്ങൾ മിതമായ നിരക്കിലാണ് നല്കുന്നതെന്ന് പ്രതിനിധികള് പറഞ്ഞു ഭക്ഷ്യ, ഭക്ഷ്യേതര വിഭാഗങ്ങൾക്കു പുറമെ ഡിപാർട്ട്മെൻറ്, റോസറി, ഗാർമെന്റ്സ്, ഇലക്ട്രോണിക്സ്, ഹെൽത്ത് ആൻറ് ബ്യൂട്ടി, വീട്ടുപകരണങ്ങൾ തുടങ്ങിയവയും ഇവിടെ ലഭ്യമാകും.