വ്യവസ്ഥാപിത രീതികളെ ചോദ്യം ചെയ്യാന്‍ ധൈര്യം കാണിച്ച സിനിമയാണ് ബിരിയാണിയെന്ന് സംവിധായകന്‍ വെട്രിമാരന്‍. സമീപിച്ച പ്രമേയത്തെ ചങ്കൂറ്റത്തോടെ കൈകാര്യം ചെയ്തിട്ടുണ്ടെന്നും വെട്രിമാരന്‍. സജിന്‍ ബാബുവിന് അയച്ച വാട്‌സ് ആപ്പ് സന്ദേശത്തിലാണ് തമിഴ് നിരയിലെ പ്രധാനിയായ സംവിധായകന്റെ പ്രതികരണം.
സജിന്‍ ബാബു സംവിധാനം ചെയ്ത ബിരിയാണി നിരവധി അന്താരാഷ്ട്ര പുരസ്‌കാരങ്ങള്‍ നേടിയ ശേഷമാണ് കേവ് ഒടിടി പ്ലാറ്റ്‌ഫോമിലൂടെ പ്രേക്ഷകരിലെത്തിയത്. മാര്‍ച്ചില്‍ ചിത്രം തിയറ്ററിലുമെത്തിയിരുന്നു. അഭിനേതാക്കളെ കഥാപാത്രങ്ങളായി ജീവിപ്പിക്കുകയായിരുന്നുവെന്നും വെട്രിമാരന്‍. സിനിമയിലെ കേന്ദ്രകഥാപാത്രത്തെ അവതരിപ്പിച്ച കനി കുസൃതിക്ക് മികച്ച നടിക്കുള്ള സംസ്ഥാന പുരസ്‌കാരം ലഭിച്ചിരുന്നു.
നിരവധി ചലച്ചിത്രമേളകളിലായി 20ഓളം പുരസ്‌കാരങ്ങള്‍ ബിരിയാണി സ്വന്തമാക്കിയിരുന്നു. കടല്‍ തീരത്ത് താമസിക്കുന്ന ഖദീജയുടെയും, ഉമ്മയുടേയും ജീവിതത്തില്‍ അപ്രതീക്ഷിതമായി ദുരന്തങ്ങളാണ് സിനിമയില്‍ അവതരിപ്പിക്കുന്നത്
