പ്രശസ്ത തിരക്കഥാകൃത്തും സംവിധായകനുമായ ലോഹിതദാസിന്റെ പന്ത്രണ്ടാം ചരമവാർഷിക ദിനത്തിൽ അദ്ദേഹത്തെക്കുറിച്ചുള്ള ഓർമ്മകളുമായി നടൻ പൃഥ്വിരാജ്. ലോഹിതദാസ് തിരക്കഥ എഴുതി സംവിധാനം ചെയ്ത ചക്രം സിനിമയിലെ ഒരു ചിത്രം പങ്കുവെച്ചുകൊണ്ടായിരുന്നു പൃഥ്വിരാജ് അദ്ദേഹത്തെക്കുറിച്ചുള്ള ഓർമ്മകൾ പങ്കുവെച്ചത്.
എന്നിലെ നടനെ ഏറ്റവും സ്വാധീനിച്ച വ്യക്തികളിൽ ഒരാൾ, ലോഹി സർ. അദേഹത്തൊടപ്പമുള്ള ആ സിനിമ എന്റെ ക്രാഫ്റ്റിന്റെ പല തലങ്ങളെക്കുറിച്ചുള്ള ബോധ്യമുണ്ടാക്കി. നമ്മൾ ഇരുവരുമൊന്നിച്ച് മറ്റൊരു സിനിമ തുടങ്ങുവാൻ ഇരിക്കെയാണ് അദ്ദേഹം വിടപറഞ്ഞത്. എന്റെ ജീവിതത്തിലെ വലിയ നഷ്ടങ്ങളിൽ ഒന്നാണ് അദ്ദേഹത്തിന്റെ വിയോഗം. എന്നെന്നും ഏറെ ഹൃദയങ്ങളിൽ, ഇതിഹാസമേ!
