ലോകവ്യാപകമായ 300 കോടി കളക്ഷന് നേടി വിജയ് നായകനായ വാരിസ്. ചിത്രത്തിന്റെ നിര്മ്മാതാക്കളായ ശ്രീ വെങ്കിടേശ്വര ക്രിയേഷന്സാണ് ഇക്കാര്യം സമൂഹമാധ്യമത്തില് പങ്കുവെച്ചത്. 300 കോടിക്ക് മുകളിലാണ് ചിത്രത്തിന്റെ വേള്ഡ് വൈഡ് ഗ്രോസ് കളക്ഷന് എന്നാണ് നിര്മ്മാതാക്കള് പറയുന്നത്.
ഇതോടെ വാരിസ് 300 കോടി ക്ലബ്ബല് എത്തുന്ന വിജയ്യുടെ രണ്ടാമത്തെ ചിത്രമായി മാറി. ആദ്യ ചിത്രം അറ്റ്ലി സംവിധാനം ചെയ്ത ബിഗിലാണ്. അതോടൊപ്പം തന്നെ വാരിസ് തമിഴ് സിനിമയിലെ ഏറ്റവും കൂടുതല് കളക്ഷന് നേടിയ സിനിമകളുടെ പട്ടികയില് ഇടം നേടിയിരിക്കുകയാണ്.
വംശി പൈടിപ്പള്ളിയാണ് വാരിസിന്റെ സംവിധായകന്. വിജയ്ക്കൊപ്പം ചിത്രത്തില് പ്രകാശ് രാജ്, ശ്യാം, ശരത്ത് കുമാര്, യോഗി ബാബു എന്നിവരും ഉണ്ട്. രശ്മിക മന്ദാനയാണ് ചിത്ത്രതിലെ നായിക. തമനാണ് സംഗീത സംവിധാനം. ചിത്രത്തിലെ രഞ്ജിതമേ എന്ന ഗാനം വലിയ ഹിറ്റാിരുന്നു.
