ജൂനിയര്‍ എന്‍ടിആര്‍ നായകനാകുന്ന ബിഗ് ബജറ്റ് തെലുങ്ക് ചിത്രം 'ദേവര'യില്‍ പ്രധാന വേഷത്തില്‍ ഷൈന്‍ ടോം ചാക്കോയും. എന്‍ ടി ആറിന് പിറന്നാള്‍ ആശംസിച്ച് കഴിഞ്ഞ ദിവസം ഷൈന്‍ പോസ്റ്റ് ചെയ്ത ചിത്രത്തിന്റെ അടി കുറിപ്പിലാണ് ഷൈന്‍ ടോം ചാക്കോ ഈ വിവരം അറിയിച്ചത്.
ജൂനിയര്‍ എന്‍ ടി ആറിനൊപ്പം സെയ്ഫ് അലി ഖാന്‍, ജാന്‍വി കപ്പൂര്‍ എന്നിവരും ചിത്രത്തില്‍ പ്രധാന വേഷത്തില്‍ എത്തുന്നുണ്ട്. യുവസുധ ആര്‍ട്ട്സും എന്‍ടിആര്‍ ആര്‍ട്‌സും ചേര്‍ന്നാണ് ചിത്രം നിര്‍മിക്കുന്നത്. ഈ വര്‍ഷം പുറത്തിറങ്ങിയ നാനി നായകനായ ദസ്റയിലും ഷൈന്‍ പ്രധാന വേഷം ചെയ്തിരുന്നു.
വമ്പന്‍ ബഡ്ജറ്റില്‍ ഒരുങ്ങുന്ന 'ദേവര' സംവിധാനം ചെയ്തിരിക്കുന്നത് കൊരട്ടാല ശിവയാണ്. ദേവര 2024 ഏപ്രില്‍ 5 നാണ് റിലീസ് ചെയുക. അനിരുദ്ധാണ് ചിത്രത്തിന്റെ സംഗീതം. ഛായാഗ്രഹണം- രത്‌നവേലു ഐ.എസ്.സി എഡിറ്റിംഗ്- ശ്രീകര്‍ പ്രസാദ്
