രഘുനാഥ് പലേരിയുടെ തിരക്കഥയിൽ ഷാനവാസ് . കെ. ബാവക്കുട്ടി സംവിധാനം നിർവഹിക്കുന്ന പുതിയ ചിത്രത്തിന്റെ ടൈറ്റിൽ മോഷൻ പോസ്റ്റർ പൃഥ്വിരാജ് സുകുമാരനും , ഇന്ദ്രജിത്ത് സുകുമാരൻ പുറത്തുവിട്ടു. ഹക്കിം ഷാ , പ്രിയംവദ കൃഷ്ണൻ , പൂർണിമ ഇന്ദ്രജിത്ത് എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്.
ഷമ്മി തിലകൻ , വിജയരാഘവൻ , ജാഫർ ഇടുക്കി, രഘുനാഥ് പലേരി , ജനർദ്ദനൻ, ഗണപതി , സ്വതിദാസ് പ്രഭു മനോഹരി ജോയ്, തുഷാര പിള്ള, വിജയകുമാർ പ്രഭാകരൻ , ഹരിശങ്കർ , രാജീവ് വി തോമസ്, ജിബിൻ ഗോപിനാഥ് , ഉണ്ണിരാജ , ദേവരാജൻ കോഴിക്കോട് എന്നിവർ മറ്റ് കഥാപാത്രങ്ങളെ അവതരിപ്പിക്കുന്നു.
സപ്ത തരംഗ് ക്രിയേഷനസും വിക്രമാദിത്യൻ ഫിലിംസ് ചേർന്ന് നിർമ്മിക്കുന്ന ചിത്രത്തിലെ ഗാന രചന : രഘുനാഥ് പലേരി , അൻവർ അലി , ഛായാഗ്രഹണം : എൽദോസ് ജോർജ് , എഡിറ്റിങ് : മനോജ് സി. എസ്. , കലാസംവിധാനം : അരുൺ ജോസ്, മേകപ്പ് : അമൽ കുമാർ , സംഗീത സംവിധാനം: അങ്കിത് മേനോൻ & വർക്കി, സൌണ്ട് ഡിസൈൻ : രംഗനാഥ് രവി, മിക്സിങ് : വിപിൻ . വി . നായർ , പ്രൊഡക്ഷൻ കണ്ട്രോളർ : ഏൽദോ സെൽവരാജ് , കോസ്റ്റ്യൂം ഡിസൈൻ : നിസ്സാർ റഹ്മത്ത് , സ്റ്റിൽസ് : ഷാജി നാഥൻ , സ്റ്റണ്ട് : കെവിൻ കുമാർ, പി. ആർ . ഓ : വാഴൂർ ജോസ് .
സിനിമയെക്കുറിച്ച് രഘുനാഥ് പലേരി
സംവിധാന മികവിനുള്ള പുരസ്ക്കാരം നേടിയ ആദ്യ സിനിമ 'കിസ്മത്തിനും' പിന്നീട് പിറന്ന 'തൊട്ടപ്പനും' ശേഷം ഇതാ മൂന്നാമതൊരു സൗന്ദര്യം കൂടി ഷാനവാസ് തിരശ്ശീലയിൽ പ്രകാശമായി വരക്കുന്നു. ആ വർണ്ണ വരകളിൽ ഒരു കട്ടിലും ഒരു മുറിയും ഉണ്ട് . ചറപറാ പായുന്ന അനേകം കലപില മനസ്സുകൾ ഉണ്ട് . പിടികിട്ടാ രഹസ്യത്തിന് പിറകെ രക്ഷപ്പെടാനായി കുതിക്കുന്ന വേവലാതികൾ ഉണ്ട് . മുന്നിൽ ഓടി മറഞ്ഞ് പിറകിൽ ഓടിയെത്തി വരിഞ്ഞു മുറുക്കുന്ന പ്രണയ തീവ്രതയുണ്ട്. ജീവിതം ജീവിക്കാനുള്ളതിനും അപ്പുറം അവനവനെ കൈമോശം വരാതെ രക്ഷപ്പെട്ടുത്താനുള്ള മാന്ത്രിക വിദ്യയുടെ തത്രപ്പാട് കൂടിയാണെന്ന സർവ്വലോക തമാശയുടെ വേദനയുണ്ട്.
