തെന്നിന്ത്യന് പ്രേക്ഷകരും ബോളിവുഡും ഒരു പോലെ കാത്തിരിക്കുന്ന ചിത്രമാണ് ആറ്റ്ലീയുടെ സംവിധാനത്തില് ഷാറൂഖ് ഖാന് നായകനായി എത്തുന്ന ആക്ഷന് എന്റര്ടെയ്നര് ചിത്രം 'ജവാന്'. 'പഠാന്റെ' ആഗോള വിജയത്തിന് ശേഷം എത്തുന്ന ചിത്രം ബോക്ക്സ് ഓഫിസില് വന് കുതിപ്പ് ഉണ്ടാക്കുമെന്നാണ് സൂചനകള്. ഏറെ നാളത്തെ കാത്തിരിപ്പിന് വിരാമം കുറിച്ചുകൊണ്ട് ചിത്രത്തിന്റെ റിലീസിങ്ങ് തീയതി പ്രഖ്യാപിച്ചിരിക്കുകയാണ് 'ജവാന്റെ' അണിയറ പ്രവര്ത്തകര്. കഴിഞ്ഞ ദിവസം റെഡ് ചില്ലി എന്റര്ടെയ്ന്മെന്റിസിലൂടെ പുറത്തുവിട്ട 'ജവാന്റെ' മോഷന് പിക്ചര് യൂട്യൂബില് ട്രെന്ഡിങ്ങാണ്.
ഏറെ നാളത്തെ പരാജയങ്ങള്ക്ക് ശേഷം ബോളിവുഡിനെ തകര്ച്ചയില് നിന്നും രക്ഷിച്ച ചിത്രമാണ് നാല് വര്ഷത്തെ ഇടവേളയ്ക്ക് ശേഷം തിയേറ്ററുകളിലെത്തിയ ഷാറൂഖ് ഖാന് ചിത്രം 'പഠാന്'. അതുകൊണ്ട് തന്നെ ആറ്റ്ലിയുടെ സംവിധാനത്തില് ഷാറൂഖ് ഖാന് നായകനായെത്തുന്ന ചിത്രം തെന്നിന്ത്യയ്ക്കും ബോളിവുഡിനും ഒരുപോലെ പ്രതീക്ഷ പകരുന്ന ചിത്രമാണ്. സെപ്തംമ്പര് ഏഴിന് തിയേറ്ററുകളിലെത്തുന്ന ചിത്രം ഹിന്ദിക്കൊപ്പം തമിഴ്, തെലുങ്ക് ഭാഷകളിലും റിലീസ് ചെയ്യും. ഷാരൂഖാനോടൊപ്പം വിജയ് സേതുപതി, നയന് താര എന്നിവരും മുഖ്യ വേഷത്തിലെത്തുന്ന ജവാനില് ബോളിവുഡില് നിന്നും ടോളിവുഡില്നിന്നും ഉള്ള മറ്റു സൂപ്പര്സ്റ്റാറുകളുടെ സാന്നിധ്യവും ഉണ്ടാവുമെന്ന സൂചനകളും ഉണ്ട്.
റെഡ് ചില്ലീസിന്റെ ബാനറില് ഗൗരി ഖാനാണ് ചിത്രം നിര്മ്മിക്കുന്നത്. ഹോളിവുഡ് ചിത്രം ഫാസ്റ്റ് ആന്ഡ് ഫ്യൂരിയസിന്റെ ആക്ഷന് കൊറിയോഗ്രഫറാണ് സംഘട്ടന രംഗങ്ങള് ഒരുക്കുന്നത്. ചിത്രത്തിന്റെ കേരള പ്രൊമോഷന് ചെയുന്നത് പപ്പറ്റ് മീഡിയ ആണ്.