കാളിദാസ് ജയറാം, നമിത പ്രമോദ് എന്നിവരെ പ്രധാന കഥാപാത്രങ്ങളാക്കി വിനില്‍ സ്കറിയ വര്‍ഗീസ് രചനയും സംവിധാനവും നിർവഹിച്ച ചിത്രം രജിനിയുടെ സ്നീക്ക് പീക്ക് വീഡിയോ പുറത്തു വിട്ട് അണിയറ പ്രവർത്തകർ. നവരസ ഫിലിംസിന്റെ ബാനറില്‍ ശ്രീജിത്ത് കെ എസ്, ബ്ലെസി ശ്രീജിത്ത് എന്നിവര്‍ ചേര്‍ന്ന് നിര്‍മ്മിച്ച ചിത്രം മലയാളത്തിലും തമിഴിലുമായാണ് കഴിഞ്ഞ ദിവസം പ്രദർശനത്തിന് എത്തിയത്. ത്രില്ലർ സിനിമകൾക്ക് എപ്പോഴുമൊരു ഒരു സെറ്റ് പ്രേക്ഷകർ മലയാളത്തിലുണ്ടെന്നും തീർച്ചയായിട്ടും നല്ല എൻഗേജിങ് ആയിട്ടുള്ളൊരു സിനിമയാകും രജനി എന്നതിൽ തനിക്ക് ഉറപ്പുണ്ടെന്നും മുമ്പ് ക്യു സ്റ്റുഡിയോയ്ക്ക് നൽകിയ അഭിമുഖത്തിൽ നടൻ കാളിദാസ് ജയറാം പറഞ്ഞിരുന്നു.
കാളിദാസ് ജയറാം പറഞ്ഞത് :
ആദ്യമുള്ള ത്രില്ലർ സിനിമകളുടെ വേവ് തുടങ്ങുന്നതിനും മുൻപാണ് ഈ പടം ഞങ്ങൾ പ്ലാൻ ചെയ്യുന്നത്. അങ്ങനെ തുടങ്ങി പക്ഷെ ആദ്യ ലോക്ക്ഡൗൺ വന്നു, അപ്പോൾ പടം നടക്കില്ലെന്ന് വിചാരിച്ചു. വീണ്ടും തിരിച്ച് തുടങ്ങിയപ്പോഴേക്കും രണ്ടാമത്തെ ലോക്ക്ഡൗൺ വന്ന് വീണ്ടും ബ്രേക്ക് ആയി. വലിയൊരു പ്രോസസ്സ് ആയിരുന്നു ഈ സിനിമ. നിർമാതാക്കളാണെങ്കിലും ഡിറക്ഷൻ ടീം ആണെങ്കിലും അവർക്കും ഒരുപാട് സാഹചര്യങ്ങളിലൂടെ കടന്ന് പോകേണ്ടി വന്നിട്ടുണ്ട്. അങ്ങനെ നോക്കുമ്പോൾ ഈ സിനിമയിൽ ഞാൻ വളരെ തൃപ്തനാണ് കാരണം ഗ്യാപ്പിന് ശേഷം തിരിച്ച് ത്രില്ലർ സിനിമകൾ വീണ്ടും വരുന്നുണ്ട്. ത്രില്ലർ സിനിമകൾക്ക് എപ്പോഴുമൊരു ഒരു സെറ്റ് പ്രേക്ഷകരുണ്ട്. തീർച്ചയായിട്ടും നല്ല എൻഗേജിങ് ആയിട്ടുള്ളൊരു സിനിമയാകും രജനി അതിലെനിക്ക് ഉറപ്പുണ്ട്.
ഇൻവസ്റ്റിഗേറ്റീവ് ത്രില്ലർ മോഡിലെത്തിയ ചിത്രത്തിൽ സൈജു കുറുപ്പ്, റെബ മോണിക്ക ജോണ്‍, ശ്രീകാന്ത് മുരളി, അശ്വിൻ കെ കുമാർ, വിൻസെന്റ് വടക്കൻ, കരുണാകരൻ, രമേശ് ഖന്ന, പൂജ രാമു, തോമസ് ജി കണ്ണമ്പുഴ, ലക്ഷ്മി ഗോപാലസ്വാമി, ഷോണ്‍ റോമി, പ്രിയങ്ക സായ് തുടങ്ങിയ പ്രമുഖ താരങ്ങളും അഭിനയിച്ചിട്ടുണ്ട്. ആർ.ആർ. വിഷ്ണുവാണ് ചിത്രത്തിന്റെ ഛായാഗ്രഹണം നിര്‍വഹിച്ചത്.
അസോസിയേറ്റ് പ്രൊഡ്യൂസർ അഭിജിത്ത് നായർ, എഡിറ്റര്‍ ദീപു ജോസഫ്, സംഗീതം ഫോർ മ്യൂസിക്സ്, സംഭാഷണം വിന്‍സെന്റ് വടക്കന്‍, പ്രൊഡക്ഷന്‍ കണ്‍ട്രോളര്‍ ജാവേദ് ചെമ്പ്, ക്രിയേറ്റീവ് ഡയറക്ടർ ശ്രീജിത്ത് കോടോത്ത്, കല ആഷിക് എസ്, മേക്കപ്പ് റോണക്‌സ് സേവ്യര്‍, വസ്ത്രാലങ്കാരം ധന്യ ബാലകൃഷ്ണന്‍, സ്റ്റില്‍സ് രാഹുല്‍ രാജ് ആര്‍, പരസ്യകല 100 ഡേയ്സ്, ചീഫ് അസോസിയേറ്റ് ഡയറക്ടർ വിനോദ് പി എം, വിശാഖ് ആർ വാര്യർ, സ്റ്റണ്ട് അഷ്റഫ് ഗുരുക്കൾ, ആക്ഷൻ നൂർ, കെ ഗണേഷ് കുമാർ, സൗണ്ട് ഡിസൈൻ രംഗനാഥ്, ദി ഐ കളറിസ്റ്റ് രമേശ് സി പി, പ്രൊമോഷൻ സ്റ്റിൽസ് ഷാഫി ഷക്കീർ, പ്രൊഡക്ഷന്‍ എക്‌സിക്യൂട്ടീവ് ഷമീജ് കൊയിലാണ്ടി, പി ആർ ഒ- എ എസ് ദിനേശ്.
