ഛായാഗ്രാഹകൻ പപ്പു(സുധീഷ്) അന്തരിച്ചു. ഞാൻ സ്റ്റീവ് ലോപ്പസ്, ഈട, സെക്കൻഡ് ഷോ, കൂതറ, അയാൾ ശശി, റോസ് ഗിറ്റാറിനാൽ, ഡി കമ്പനി എന്നീ സിനിമകളുടെ ക്യാമറ കൈകാര്യം ചെയ്തത് സുധീഷ് ആയിരുന്നു. രാജീവ് രവിയുടെ ഛായാഗ്രഹണ സഹായിയായി തുടക്കം കുറിച്ച പപ്പു അന്നയും റസൂലും, കമ്മട്ടിപ്പാടം, തുറമുഖം എന്നീ സിനിമകളിൽ സെക്കൻഡ് യൂണിറ്റ് ക്യാമറമാൻ കൂടിയായിരുന്നു.
ക്ലാസ്മേറ്റ്സ്, ബ്ലാക്ക് എന്നീ സിനിമകളിൽ ചീഫ് അസോസിയേറ്റ് ക്യാമറമാനും ചാന്ദ്നി ബാർ, ദേവ് ഡി എന്നീ സിനിമകളിൽ അസിസ്റ്റന്റ് സിനിമാട്ടോഗ്രഫറുമായിരുന്നു. മജു സംവിധാനം ചെയ്ത അപ്പൻ എന്ന സിനിമയുടെ തുടക്കത്തിൽ ഛായാഗ്രഹണം നിർവഹിച്ചത് പപ്പു ആയിരുന്നു. അസുഖത്തെ തുടർന്ന് പിൻമാറിയതിനാൽ പിന്നീട് വിനോദ് ഇല്ലമ്പിള്ളി ഛായാഗ്രഹണം ഏറ്റെടുത്തു.
ഞാൻ സ്റ്റീവ് ലോപ്പസ്, ഈട, സെക്കൻഡ് ഷോ എന്നീ സിനിമകളിലെ പപ്പുവിന്റ ഫ്രെയിമുകളും കഥ പറച്ചിലിനൊപ്പം സഞ്ചരിച്ച ഛായാഗ്രഹണവും ഏറെ ചർച്ച ചെയ്യപ്പെട്ടിരുന്നു. കുറച്ചുകാലമായി രോഗബാധിതനായി ചികിൽസയിലായിരുന്നു.
