ഷൈൻ ടോം ചാക്കോ, ദർശന എസ്. നായർ, കന്നഡ നടൻ ദീക്ഷിത് ഷെട്ടി എന്നിവർ പ്രധാന കഥാപാത്രങ്ങളാകുന്ന ഒപ്പീസ് എന്ന ചിത്രത്തിന് തുടക്കമായി. ദിയ, ദസറ തുടങ്ങിയ സിനിമകളിൽ അഭിനയിച്ച ദീക്ഷിത് ഷെട്ടിയുടെ ആദ്യ മലയാള സിനിമയാണിത്. കഴിഞ്ഞ പതിനെട്ട് വർഷമായി ബോളിവുഡ് സിനിമകളിലും പരസ്യചിത്രങ്ങളിലും പ്രവർത്തിച്ചു പരിചയമുള്ള സംവിധായകനായ സോജൻ ജോസഫ് ആണ് ചിത്രം തിരക്കഥയെഴുതി സംവിധാനം ചെയ്യുന്നത്. പ്രദ്യുമ്ന കൊല്ലേഗലിന്റെ ആകർഷൺ എന്റർടെയ്ൻമെന്റ് പ്രൈവറ്റ് ലിമിറ്റഡ് എന്ന കമ്പനിയാണ് ചിത്രം നിർമിക്കുന്നത്.
ഇന്ദ്രൻസ്, ലെന, ജോ ജോൺ ചാക്കോ, ജോയ് മാത്യ, പ്രമോദ് വെളിയനാട്, ബൈജു എഴുപുന്ന,അനുപ് ചന്ദ്രൻ, സഞ്ജയ് സിംഗ്, നിധീഷ് പെരുവണ്ണാൻ ,കോബ്രാ രാജേഷ്, ജൂബി.പി.ദേവ് , രാജേഷ് കേശവ്, നിവിൻ അഗസ്റ്റിൻ, അൻവർ, ശ്രയാ രമേഷ്, വിജയൻ നായർ, മജീഷ് എബ്രഹാം, പ്രകാശ് നാരായണൻ, സജിതാ മഠത്തിൽ, വിനോദ് കുറുപ്പ്, ജീമോൻ, ജീജാ സുരേന്ദ്രൻ, ആൻ്റണി ചമ്പക്കുളം തുടങ്ങിയവരും സിനിമയിലെ പ്രധാന കഥാപാത്രങ്ങളെ അവതരിപ്പിക്കുന്നു.
സന്തോഷ് തുണ്ടിയിൽ ആണ് ചിത്രത്തിന്റെ ക്യാമറ കൈകാര്യം ചെയ്യുന്നത്. സംഗീത സംവിധാനം എം. ജയചന്ദ്രൻ. പുഷ്പ തുടങ്ങിയ സിനിമകളിലൂടെ പ്രശസ്തനായ റിയൽ സതീഷ് ആണ് ഈ ചിത്രത്തിലെ സംഘടനം ഒരുക്കിയിരിക്കുന്നത്. എഡിറ്റർ ശ്യാം ശശീധരൻ, രചന ബി.കെ ഹരിനാരായണൻ. കോറിയോഗ്രാഫി- വിഷ്ണു ദേവ, കോസ്റ്റ്യൂം- കുമാർ എടപ്പാൾ, കലാസംവിധാനം- അരുൺ ജോസ്, മേക്കപ്പ്- മനു മോഹൻ, എക്സികുട്ടീവ് പ്രൊഡ്യൂസർ- എൽദോസ് ശെൽവരാജ്, കോഡിനേറ്റർ- സുനിൽമോൻ, പിആർഒ- വാഴൂർ ജോസ്, പിആർ സ്ട്രാറ്റജി& മാർക്കറ്റിംഗ്- കണ്ടന്റ് ഫാക്ടറി മീഡിയ. ചിത്രത്തിന്റെ ചിത്രീകരണം ജനുവരി ആദ്യവാരം ആരംഭിക്കും.
