ടൊവിനോ തോമസിനെ നായകനാക്കി അനുരാജ് മനോഹർ സംവിധാനം ചെയ്യുന്ന നരിവേട്ടയിലെ ആദ്യ ഗാനം പുറത്ത്. 'മിന്നൽവള കൈയിലിട്ട പെണ്ണഴകേ...' എന്ന് തുടങ്ങുന്ന പ്രണയ ഗാനം ആലപിച്ചിരിക്കുന്നത് സിദ് ശ്രീറാമും സിതാര കൃഷ്ണകുമാറും ചേർന്നാണ്. കൈതപ്രം വരികൾ എഴുതിയ ഗാനത്തിന്റെ സംഗീത സംവിധാനം നിർവഹിച്ചിരിക്കുന്നത് ജെയ്‌ക്‌സ് ബിജോയ് ആണ്. ടൊവിനോയെയും പ്രിയംവദ കൃഷ്ണയെയും ആണ് ഗാനരംഗത്തിൽ കാണാൻ സാധിക്കുന്നത്. പോലീസ് കോൺസ്റ്റബിൾ വർഗീസ് പീറ്റർ എന്ന കഥാപാത്രത്തെയാണ് നരിവേട്ടയിൽ ടൊവിനോ തോമസ് അവതരിപ്പിക്കുന്നത്. ചിത്രം മെയ് 16 ന് തിയറ്ററുകളിലെത്തും.
ഇന്ത്യൻ സിനിമാ കമ്പനിയുടെ ബാനറിൽ ഷിയാസ് ഹസ്സൻ, ടിപ്പു ഷാൻ എന്നിവർ ചേർന്നാണ് നരിവേട്ട നിർമ്മിക്കുന്നത്. കേന്ദ്ര സാഹിത്യ ആക്കാദമി അവാർഡ് ജേതാവ് അബിൻ ജോസഫ് ആണ് ചിത്രത്തിന്റെ തിരക്കഥ രചിച്ചിരിക്കുന്നത്. ചിത്രത്തിൽ സുരാജ് വെഞ്ഞാറമൂട്, തമിഴ് നടൻ ചേരൻ തുടങ്ങിയവരും പ്രധാന കഥാപാത്രങ്ങളെ അവതരിപ്പിക്കുന്നുണ്ട്. വലിയ കാൻവാസിൽ വമ്പൻ ബഡ്ജറ്റിൽ ഒരുങ്ങുന്ന നരിവേട്ടയിലൂടെ തമിഴ് നടൻ ചേരൻ ആദ്യമായി മലയാള സിനിമയിൽ അരങ്ങേറ്റം കുറിക്കുകയാണ്. ഡി.ഐ.ജി ആർ കേശവദാസ് എന്ന കഥാപാത്രത്തെയാണ് ചിത്രത്തിൽ ചേരൻ അവതരിപ്പിക്കുന്നത്. ആര്യ സലിം, റിനി ഉദയകുമാർ, എന്നിവരും ചിത്രത്തിൽ അണിനിരക്കുന്നുണ്ട്.
എൻ എം ബാദുഷയാണ് നരിവേട്ടയുടെ എക്സിക്യൂട്ടീവ് പ്രൊഡ്യൂസർ. ചിത്രത്തിന്റെ മ്യൂസ്കി റൈറ്റ്സ് സ്വന്തമാക്കിയിരിക്കുന്നത് സോണി മ്യൂസിക് ആണ്. ഛായാഗ്രഹണം - വിജയ്, സംഗീതം- ജേക്സ് ബിജോയ്, എഡിറ്റർ- ഷമീർ മുഹമ്മദ്, ആർട്ട്‌ - ബാവ, കോസ്റ്റും - അരുൺ മനോഹർ, മേക്ക് അപ് - അമൽ സി ചന്ദ്രൻ, പ്രൊഡക്ഷൻ എക്സിക്യൂട്ടീവ് - സക്കീർ ഹുസൈൻ,പ്രതാപൻ കല്ലിയൂർ, പ്രൊജക്റ്റ്‌ ഡിസൈനർ -ഷെമി ബഷീർ, സൗണ്ട് ഡിസൈൻ - രംഗനാഥ്‌ രവി, പി ആർ ഒ & മാർക്കറ്റിംഗ് - വൈശാഖ് വടക്കേവീട്, ജിനു അനിൽകുമാർ
