'പാവാട', 'ജോണി ജോണി യെസ് പപ്പാ' തുടങ്ങിയ ചിത്രങ്ങൾക്ക് ശേഷം ജി.മാർത്താണ്ഡൻ സംവിധാനം ചെയ്യുന്ന 'മഹാറാണി' എന്ന ചിത്രത്തിന്റെ റിലീസ് തീയതി പുറത്തുവന്നു. ചിത്രം നവംബർ 24 ന് തിയറ്ററുകളിലെത്തും. ഷൈൻ ടോം ചാക്കോ, റോഷൻ മാത്യു എന്നിവർ പ്രധാന വേഷങ്ങളിൽ എത്തുന്ന ചിത്രത്തിന്റെ തിരക്കഥയെഴുതുന്നത് ഇഷ്‌ക്കിന്റെ തിരക്കഥാകൃത്ത് രതീഷ് രവിയാണ്.
ബാദുഷ ഫിലിംസും എസ് ബി ഫിലിംസിന്റെ ബാനറിൽ സുജിത് ബാലൻ ആണ് ചിത്രം നിർമിക്കുന്നത്. ഹരിശ്രീ അശോകൻ, ജോണി ആന്റണി, ജാഫർ ഇടുക്കി, സുജിത് ബാലൻ, കൈലാഷ്, ബാലു വർഗീസ്, ഗോകുലൻ, അശ്വത് ലാൽ, രഘുനാഥ് പാലേരി, ഗൗരി ഗോപകുമാർ, നിഷ സാരംഗ്, സ്മിനു സിജോ എന്നിവരാണ് ചിത്രത്തിലെ മറ്റ് അഭിനേതാക്കൾ. കേരളത്തിൽ ആദ്യമായി 'സോണി വെനീസ് 2'ൽ പൂർണ്ണമായും ചിത്രീകരിക്കുന്ന സിനിമ എന്ന പ്രത്യേകത ചിത്രത്തിനുണ്ട്. എൻ എം ബാദുഷ ആണ് ചിത്രത്തിന്റെ കോ പ്രൊഡ്യൂസർ. ആൻ മെഗാ മീഡിയയും ബാദുഷ ഫിലിംസുമാണ് ചിത്രം വിതരണത്തിനെത്തിക്കുന്നത്.
ഗോവിന്ദ് വസന്തയും ഗോപി സുന്ദറും സംഗീതമൊരുക്കുന്ന സിനിമയുടെ പശ്ചാത്തല സംഗീതം ഒരുക്കുന്നത് ഗോപി സുന്ദർ ആണ്. കലാസംവിധാനം: സുജിത് രാഘവ്, പ്രൊഡക്ഷൻ കൺട്രോളർ: സുധർമ്മൻ വള്ളിക്കുന്ന്, വസ്ത്രാലങ്കാരം: സമീറ സനീഷ്, മേയ്ക്കപ്പ്: ജിത്തു പയ്യന്നൂർ, ചീഫ് അസോസിയേറ്റ് ഡയറക്ടർ: അജയ് ചന്ദ്രിക, പ്രശാന്ത് ഈഴവൻ, മനോജ്‌ പന്തയിൽ, ക്രീയേറ്റീവ് കോൺട്രിബൂട്ടേഴ്‌സ്: ബൈജു ഭാർഗവൻ, സി.എഫ് അഷ്‌റഫ്‌, അസോസിയേറ്റ് ഡയറക്റ്റർ: സാജു പൊറ്റയിൽക്കട, റോഷൻ അറക്കൽ, പ്രൊഡക്ഷൻ എക്സിക്യൂട്ടീവ്: സക്കീർ ഹുസൈൻ, പ്രൊഡക്ഷൻ മാനേജർ: ഹിരൺ, ഫിനാൻസ് കൺട്രോളർ: റോബിൻ അഗസ്റ്റിൻ, പി.ആർ.ഒ: പി ശിവപ്രസാദ്, സൗണ്ട് മിക്സിങ്: എം.ആർ രാജാ കൃഷ്ണൻ, സ്റ്റിൽസ്: അജി മസ്കറ്റ്, ഡിസൈൻ: ആനന്ദ് രാജേന്ദ്രൻ എന്നിവരാണ് മറ്റ് അണിയറ പ്രവർത്തകർ.
