'മോനെ നമ്മളൊരിക്കരിക്കലും ഭാര്യ ഫോൺ ചെയ്യുമ്പോൾ ദേഷ്യത്തിൽ സംസാരിക്കരുത്'; കനകരാജ്യത്തിന്റെ ഫീൽഗുഡ് ടീസർ

'മോനെ നമ്മളൊരിക്കരിക്കലും ഭാര്യ ഫോൺ ചെയ്യുമ്പോൾ ദേഷ്യത്തിൽ സംസാരിക്കരുത്'; കനകരാജ്യത്തിന്റെ ഫീൽഗുഡ് ടീസർ

ഇന്ദ്രൻസ് , മുരളി ഗോപി, ലിയോണ ലിഷോയ് എന്നിവരെ കേന്ദ്ര കഥാപാത്രങ്ങളാക്കി സാഗർ ഹരി സംവിധാനം ചെയ്യുന്ന കനകരാജ്യത്തിന്റെ ടീസർ പുറത്തുവിട്ടു. പട്ടാളത്തിൽ നിന്നും വിരമിച്ച് ഒരു ജ്വല്ലറിയുടെ സെക്യൂരിറ്റി ജോലിയിലേക്ക് പ്രവേശിക്കുന്ന രാമേട്ടൻ എന്ന കഥാപാത്രത്തെയാണ് ഇന്ദ്രൻസ് അവതരിപ്പിക്കുന്നത്. ഇന്ദ്രൻസിന്റെയും മുരളി ഗോപിയുടെയും കഥാപാത്രങ്ങളെ ഇൻട്രൊഡ്യൂസ് ചെയ്യുന്നതിലൂടെയാണ് ടീസർ പുരോഗമിക്കുന്നത്. ബന്ധങ്ങളുടെ കഥ പറയുന്ന ചിത്രം പൂർണമായും ഫീൽ ഗുഡ് രീതിയിലായിരിക്കുമെന്ന സൂചനകളാണ് ടീസർ നൽകുന്നത്. ഏതാനും വർഷങ്ങൾക്ക് മുൻപ് ആലപ്പുഴയിൽ നടന്ന രണ്ട് യഥാർത്ഥ സംഭവങ്ങളെ ആസ്പദമാക്കിയാണ് ഈ കുടുംബചിത്രം ഒരുക്കിയിരിക്കുന്നത്. 'സത്യം മാത്രമേ ബോധിപ്പിക്കൂ', 'വീകം' എന്നീ ചിത്രങ്ങൾക്ക് ശേഷം സാഗർ ഹരിയുടെ സംവിധാനത്തിൽ ഒരുങ്ങുന്ന മൂന്നാം ചിത്രമാണ് കനകരാജ്യം. ചിത്രം ജൂലൈ 5 ന് തിയറ്ററുകളിലെത്തും.

അജിത് വിനായക ഫിലിംസിൻ്റെ ബാനറിൽ വിനായക അജിത്താണ്‌ ഈ ചിത്രം നിർമ്മിക്കുന്നത്. ശ്രീജിത്ത് രവി, ദിനേശ് പ്രഭാകർ, കോട്ടയം രമേഷ്, രാജേഷ് ശർമ്മ, ഉണ്ണി രാജ്, അച്ചുതാനന്ദൻ, ജയിംസ് ഏല്യാ, ഹരീഷ് പേങ്ങൻ, രമ്യ സുരേഷ്, സൈനാ കൃഷ്ണ, ശ്രീവിദ്യാ മുല്ലശ്ശേരി തുടങ്ങിയവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നുണ്ട്. അഭിലാഷ് ശങ്കർ ഛായാഗ്രഹണവും അജീഷ് എഡിറ്റിംഗും നിർവ്വഹിക്കുന്നു.

ഗാനരചന - ബി കെ ഹരിനാരായണന്‍, ധന്യ സുരേഷ് മേനോന്‍, സംഗീതം - അരുണ്‍ മുരളീധരന്‍, കലാസംവിധാനം - പ്രദീപ്, മേക്കപ്പ് - പ്രദീപ് ഗോപാലകൃഷ്ണൻ, കോസ്റ്റ്യൂം ഡിസൈൻ - സുജിത് മട്ടന്നൂർ, പ്രൊഡക്ഷൻ കൺട്രോളർ- ജിത്ത് പിരപ്പൻകോട്, ചീഫ് അസ്സോസ്സിയേറ്റ് ഡയറക്ടർ - സനു സജീവൻ, പ്രൊഡക്ഷൻ എക്സിക്യൂട്ടീവ് - ശ്രീജേഷ് ചിറ്റാഴ, പ്രൊഡക്ഷൻ മാനേജർ - അനിൽ കല്ലാർ, പി.ആർ.ഒ.- ആതിര ദിൽജിത്ത്, ശിവപ്രസാദ്, വാഴൂർ ജോസ്, സ്റ്റിൽസ് - അജി മസ്ക്കറ്റ് എന്നിവരാണ് മറ്റ് അണിയറപ്രവർത്തകർ

Related Stories

No stories found.
logo
The Cue
www.thecue.in