മുൻ എംപി കെ വി തോമസ് അഭിനയ രംഗത്തേയ്ക്ക്. ഗിന്നസ്സ് ജേതാവായ സംവിധായകൻ റോയ് പല്ലിശ്ശേരി സംവിധാന ചെയ്യുന്ന ഒരു ഫ്ലാഷ് ബാക്ക്‌ സ്റ്റോറി എന്ന സിനിമയിലൂടെയാണ് അഭിനയ രംഗത്തേയ്ക്ക് അരങ്ങേറ്റം കുറിക്കുന്നത് . കലാ സാംസ്‌കാരിക മന്തിയുടെ വേഷമാണ് അദ്ദേഹം സിനിമയിൽ അവതരിപ്പിക്കുന്നത്.
ഇരിങ്ങാലക്കുട, തൃശ്ശൂർ, എറണാകുളം എന്നിവിടങ്ങളിലാണ് സിനിമയുടെ ചിത്രീകരണം നടക്കുന്നത്. സലിംകുമാർ, കോട്ടയം പ്രദീപ്, മജീദ്, സന്തകിഷോർ, റോയ് പല്ലിശ്ശേരി, ഷാജു ശ്രീധർ, ജെയിംസ് പാറക്കൽ, സിദ്ധാണ് കൊല്ലം തുളസി, മനുരാജ്, സൂര്യകാന്ത ശിവദാസ് മട്ടന്നൂർ, ബാബു, വിട്ടു കൊടുങ്ങല്ലൂർ, ചിറ്റൂർ ഉണ്ണികൃഷ്ണൻ, മണിമേനോൻ തുടങ്ങിയവർ ചിത്രത്തിലെ മറ്റ് കഥാപാത്രങ്ങളെ അവതരിപ്പിക്കുന്നു. പൂർവികർ ചെയ്ത ക്രൂരകൃത്യത്തിന് ബലിയാടാകേണ്ടിവന്ന ഒരു കുടുംബത്തിന്റെ കഥയാണ് ചിത്രം പറയുന്നത്.
