ശ്രീനാഥ് ഭാസി കേന്ദ്ര കഥാപാത്രമാകുന്ന ചട്ടമ്പിയിലെ പ്രോമോ ഗാനം പുറത്തിറങ്ങി. ഇങ്ങാട്ട് നോക്ക് പിച്ചി പൂത്തത് എന്ന ഗാനം പാടിയിരിക്കുന്നത് ശ്രീനാഥ് ഭാസിയാണ്. ഭീഷ്മപര്വ്വത്തിലെ പറുദീസാ ഗാനത്തിന് ശേഷം ഭാസി പാടുന്ന പാട്ടാണ് ഇത്. നാടന് പാട്ടിന്റെ ശീലുകള് നിറഞ്ഞ ഗാനം എഴുതിയത് കൃപേഷും സംഗീത സംവിധാനം നിര്വ്വഹിച്ചത് ശേഖര് മേനോനുമാണ്.
അഭിലാഷ് എസ് കുമാറാണ് ചട്ടമ്പിയുടെ സംവിധായകന്. 1990കളിലെ ഇടുക്കിയുടെ പശ്ചാത്തലത്തില് ഒരു നാടന് ചട്ടമ്പിയുടെ കഥപറയുന്ന സിനിമയില് ചെമ്പന് വിനോദ്, ഗുരു സോമസുന്ദരം, ബിനു പപ്പു, ഗ്രേസ് ആന്റണി, മൈഥിലി എന്നിവരും പ്രധാന വേഷത്തിലെത്തുന്നു.
ഡോണ് പാലത്തറയുടെ കഥക്ക് തിരക്കഥയും സംഭാഷണവും ഒരുക്കിയത് അലക്സ് ജോസഫാണ്. ആര്ട്ട് ബീറ്റ് സ്റ്റുഡിയോസിന്റെ ബാനറില് ആസിഫ് യോഗിയാണ് നിര്മ്മാണം. 2022ലാണ് ചിത്രം തിയേറ്ററില് റിലീസ് ചെയ്യുന്നത്.
ചിത്രത്തിന്റെ ഛായാഗ്രഹണവും അലക്സാണ് നിര്വഹിച്ചത്. സിറാജ്, സന്ദീപ്, ഷനില്, ജെസ്ന അഷിം എന്നിവരാണ് സഹ നിര്മ്മാതാക്കള്. എക്സിക്യൂട്ടീവ് പ്രൊഡ്യൂസര്: സിറാജ്, എഡിറ്റര്: ജോയല്. പ്രൊഡക്ഷന് കണ്ട്രോളര്: ജിനു പി.കെ. മേക്കപ്പ്: റോണക്സ് സേവ്യര്, ആര്ട്ട് ഡയറക്ടര്: സെബിന് തോമസ്, വസ്ത്രാലങ്കാരം: മഷര് ഹംസ, പിആര്ഒ: ആതിര ദില്ജിത്ത്.