അവാൻ അജിത് മേനോൻ സംവിധാനം ചെയ്ത കാഷ്വാലിറ്റി എന്ന ഷോർട്ട് ഫിലിമിന്റെ പ്രിവ്യൂ സ്ക്രീനിംഗ് കൊച്ചി ഡോൺ ബോസ്കോ പ്രിവ്യൂ തിയറ്ററിൽ നടന്നു. ചിദംബരം, തരുൺ മൂർത്തി, ജിസ് ജോയ്, രമ്യ നമ്പീശൻ, സുചിത്ര മോഹൻലാൽ ജിതിൻ കെ ജോസ് തുടങ്ങി നിരവധി പേർ കാഷ്വാലിറ്റിയുടെ സ്ക്രീനിംഗിൽ പങ്കെടുത്തു. ഒരു രാത്രിയിൽ അപ്രതീക്ഷിതമായുണ്ടായ അപകടവും അതിന്റെ തുടർച്ചയിൽ അരങ്ങേറുന്ന സംഭവങ്ങളുമാണ് ചിത്രം പറയുന്നത്.
20 മിനുട്ട് ദൈർഘ്യമുള്ള തമിഴ്-മലയാളം ഷോർട്ട് ഫിലിം ആണ് കാഷ്വാലിറ്റി. മുംബൈ വിസ്ലിംഗ് വുഡ് ഇന്റർനാഷനൽ ഫിലിം സ്കൂളിലെ വിദ്യാർത്ഥിയാണ് അവാൻ, ഡിപ്ലോമ ഫിലിം എന്ന നിലക്കാണ് കാഷ്വാലിറ്റി ചെയ്തിരിക്കുന്നത്. അർദ്ധരാത്രിയിൽ നഗരത്തിലെ ഒരു ഇടത്തരം ആശുപത്രിക്കകത്ത് ഒരു ബാഗ് നിറയെ കാശ് കണ്ടെത്തുന്നതും അതിന് പിന്നിലെ ദുരൂഹതയുമാണ് ചിത്രം. പാവു, ശ്രീജൽ, റോമിൽ കൃഷ്ണാനി എന്നിവരാണ് അഭിനേതാക്കൾ.
അവാൻ തന്നെയാണ് തിരക്കഥ.അനിരുദ്ധ് രാമകൃഷ്ണൻ ക്യാമറയും ഋതിക് ശ്രീകുമാർ മ്യൂസികും സായ് സാകേത് സൗണ്ട് ഡിസൈനും, രൂപേന്ദ്രദാസ്, പ്രകാശ് സിംഗ് എന്നിവർ ആർട്ടും ശ്രീകൃഷ്ണ വേണുഗോപാലൻ വിഎഫ്എക്സും നിർവഹിച്ചിരിക്കുന്നു.
