കമൽ ഹാസൻ നായകനായ വിക്രമിലേക്ക് തന്നെ കാസ്റ്റ് ചെയ്യാൻ ഐഡിയ കൊടുത്തത് അർജുൻ ദാസ് ആണെന്ന് നടൻ കാളിദാസ് ജയറാം. ശരിക്കും അൻപ് ആണ് പ്രപഞ്ചനെ സജസ്റ്റ് ചെയ്തത്. കാളി നല്ലൊരു അഭിനേതാവാണെന്ന് നമുക്ക് അറിയാം പക്ഷെ അദ്ദേഹത്തിന്റെ കണ്ണും ലുക്കും ഒക്കെ കണ്ടപ്പോൾ ഈ കഥാപാത്രത്തിന് ചേർന്നതാണെന്ന് തോന്നി. ലോകേഷ് സാറിനോട് ഇത് പറഞ്ഞപ്പോൾ അദ്ദേഹത്തിനും അത് വർക്ക് ആയെന്ന് അർജുൻ ദാസും കാളിദാസ് ജയറാമും ക്യു സ്റ്റുഡിയോക്ക് നൽകിയ അഭിമുഖത്തിൽ പറഞ്ഞു.
കാളിദാസ് ജയറാം പറഞ്ഞത് :
കമൽ സാറിന്റെ മകനായി ആരാണ് ചെയ്യുക എന്ന് ചോദിച്ചപ്പോൾ കാളിദാസിനെ കാസ്റ്റ് ചെയ്യൂ എന്ന് ഐഡിയ കൊടുത്തത് അർജുൻ ആണ്. അൻപ് ആണ് പ്രപഞ്ചനെ സജസ്റ്റ് ചെയ്തത്.
അർജുൻ ദാസ് പറഞ്ഞത് :
ലോകേഷ് സാറുമായി കഥ ഡിസ്കസ് ചെയ്യുന്ന സമയത്ത് അദ്ദേഹം ഈ കഥാപാത്രത്തിനായി അഭിനേതാക്കളെ അന്വേഷിക്കുണ്ടായിരുന്നു. അദ്ദേഹത്തതിന്റെ മനസ്സിലും ചില സജഷൻസ് ഉണ്ടായിരുന്നു. അപ്പോൾ ഞാൻ എന്തുകൊണ്ട് കാളിയെ കാസ്റ്റ് ചെയ്തുകൂടാ എന്ന് ചോദിച്ചു. ഞാൻ കാരണമാണ് കാളിയെ കാസ്റ്റ് ചെയ്തത് എന്ന് ഞാൻ പറയില്ല. കാളി നല്ലൊരു അഭിനേതാവാണെന്ന് നമുക്ക് അറിയാം പക്ഷെ അദ്ദേഹത്തിന്റെ കണ്ണും ലുക്കും ഒക്കെ കണ്ടപ്പോൾ ഈ കഥാപാത്രത്തിന് ചേർന്നതാണെന്ന് തോന്നി. ലോകേഷ് സാറിനോട് ഇത് പറഞ്ഞപ്പോൾ അദ്ദേഹത്തിനും അത് വർക്ക് ആയി.
